Create successful ePaper yourself
Turn your PDF publications into a flip-book with our unique Google optimized e-Paper software.
78<br />
Mu sant maam yi, ñu xamal ko seeni doom,<br />
6 ngir ñiy juddu ëllëg xam ko,<br />
am ay doom,<br />
ñu màgg, ba xamal ko seeni doom,<br />
7 ngir ñu wóolu Yàlla,<br />
baña fàtte jëfi Yàlla,<br />
di jëfey santaaneem,<br />
8 te baña roy seeni maam;<br />
maas gu të woon te déggadi,<br />
ñu ñàkk pastéef<br />
te sàmmuñu kóllërey Yàlla.<br />
9 Waa giiru Efrayim a soxi fitt,<br />
te keroog xare ba ñoo daw.<br />
10 Ñoo sàmmul kóllërey Yàlla,<br />
gàntal yoonam,<br />
11 ba fàtte ay jalooreem,<br />
di kéemaan yi mu léen won.<br />
12 Fa seen kanami maam la def kéemaan,<br />
fa diiwaanu Sowan, réewum Misra.<br />
13 Moo xar géej ga, jal ndox ma nim tata,<br />
jàlle léen.<br />
14 Bëccëg mu jiitee léen aw niir,<br />
ak leeru sawara guddi gépp.<br />
15 Moo xar i doj ca màndiŋ ma,<br />
mbàmbulaan wal, mu nàndal léen;<br />
16 mu sotti ndox mu balle ciw xeer,<br />
walal, mu saf i dex.<br />
17 Waaye ñu wéy di moy Aji Kawe ji,<br />
di ko gàntal ca màndiŋ ma.<br />
18 Ñoo diiŋate Yàlla xol,<br />
di xemmem ñam wu bakkane.<br />
19 Ñuy waxal Yàlla naan:<br />
«Xam ngeen ne Yàlla manu noo taajal ndab ci màndiŋ mi!<br />
20 Dóor naw doj, moos, ndox ma fettax,<br />
wal ma baawaan,<br />
waaye aw ñam nag?<br />
Daa mana leel mbooloo mii aw yàpp?»<br />
21 Aji Sax ji dégg ci, mer lool;<br />
xolam tàng ci sëti Yanqóoba,<br />
am sànj tàkkal Israyil.<br />
22 Dañoo gëmul Yàlla,<br />
doyloowuñu wallam.<br />
23 Mu digal niir ya fa kaw,<br />
ubbi bunti asamaan,<br />
24 tawal léen mànn, ñu lekk:
Change language