Create successful ePaper yourself
Turn your PDF publications into a flip-book with our unique Google optimized e-Paper software.
96<br />
97<br />
98<br />
ne duñu tàbbi fa sama noflaay.»<br />
1 Woyleen Aji Sax ji woy wu yees,<br />
te àddina yépp woy Aji Sax ji.<br />
2 Woyleen Aji Sax ji, màggal turam,<br />
di yéene bés ak bés ne mooy musle.<br />
3 Siiwal-leen teddngaam fi biir xeet yi,<br />
xamal waasoo waaso ay jalooreem.<br />
4 Aji Sax jee màgg, jara santa sant<br />
te gëna mata ragal lépp lu ñuy jaamu.<br />
5 Lépp lu xeet yiy jaamu, neen la;<br />
waaye Aji Sax jee sàkk asamaan.<br />
6 Màggaay ak daraja, fa moom,<br />
dooleek taar, fa këram gu sell.<br />
7 Yéen làngi xeet yi, seedeel-leen Aji Sax ji;<br />
seedeel-leen Aji Sax ji teddngaak doole.<br />
8 Seedeel-leen Aji Sax ji teddngay turam,<br />
yékkatil kob sarax, duggaale ëttam.<br />
9 Sujjóotal-leen Aji Sax ji làmboo sellnga,<br />
te àddina wërngal këpp di ko loxal.<br />
10 Neleen xeet yi Aji Sax jeey buur:<br />
àddinaa ngii, dëju te raful.<br />
Mooy àtte xeet yi njub.<br />
11 Asamaanoo, bégal! Suufoo, bànneexul!<br />
Géejoo, riiral yaak li la fees,<br />
12 mbooy miy jaayu, mook lu ci biiram,<br />
garabi àll bi sarxolleendoo,<br />
13 gatandoo ko Aji Sax jiy dikk,<br />
àttesi àddina,<br />
di àtte dun bi ci njekk,<br />
tey àttee xeet yépp dëggam.<br />
1 Aji Sax jeey Buur, na àddina bég;<br />
dunoo dun bànneexu.<br />
2 Ay xàmbaar a ko yéew,<br />
njekk ak njub lal ab jalam.<br />
3 Sawaraa dox, jiitu ko,<br />
di xoyom i noonam wetoo wet,<br />
4 ay melaxam leeral àddina,<br />
waa àddina gis, di pat-pati;<br />
Buur Yàllaa ngi àttesi àddina<br />
Nguuru Aji Sax ji njekk la