You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
122<br />
7 Damay gëstu sa ndigal yu jub,<br />
di la sante xol bu dëggu.<br />
8 Sa dogali yoon laay sàmm;<br />
ngalla bu ma wacca wacc.<br />
9 Ana nu ndaw mana sellalee?<br />
Xanaa di sàmm sa kàddu.<br />
10 Xol bu la wéetal laa lay sàkkoo,<br />
bul ma wacc, ma wàcc say santaane.<br />
11 Sama xol laa làq say wax,<br />
ngir bañ laa moy.<br />
12 Jaajëfe, yaw Aji Sax ji,<br />
jàngal ma sa dogali yoon.<br />
13 Maa àddu, tari<br />
mboolem lu sa kàddu digle.<br />
14 Topp say tegtal laay bége<br />
mbégtem jépp alal.<br />
15 Say tegtal laay jàngat,<br />
di teewlu say xàll.<br />
16 Sa dogali yoon, ma tàqamtikoo,<br />
sa kàddu, ma fat ba fàww.<br />
17 Sang bi, baaxe ma, ma dund,<br />
ba mana sàmm sa kàddu.<br />
18 Ngalla muril saay gët, ma niir<br />
sa kéemaani yoon.<br />
19 Doxandéem laa fi kaw suuf,<br />
bu ma làq say santaane.<br />
20 Fu ma tollu maa ngi namm say ndigal<br />
ba sama xol ŋiis.<br />
21 Rëbb nga ñu reew, ñu alku,<br />
ñiy dëddu say santaane.<br />
22 Musal ma ciy kókkaleek i xaste,<br />
maa ngi topp sa kàdduy seede.<br />
23 Te it kàngam yaa ngi may tooge,<br />
te may gëstu sa dogali yoon, Sang bi.<br />
24 Sa kàdduy seede laay safoo,<br />
ñuy sama xejj yi may xelal.<br />
25 Maa ngi ne ñàyy ci pënd bi,<br />
musal ma, yaa ko dige.<br />
26 Wax naa la samay jaar-jaar, nga wuyu ma;<br />
ngalla xamal ma sa dogali yoon.<br />
27 Dégtal ma li sa tegtal yiy firi,<br />
ma jàngat say kéemaan.<br />
28 Naqaru xol sonal na ma,<br />
may ma ndëgërlaay, yaa ko dige.