Create successful ePaper yourself
Turn your PDF publications into a flip-book with our unique Google optimized e-Paper software.
106<br />
108<br />
40 Ñu sàkku, mu wàcceey picci përintaan,<br />
teg ca reggal léen mburum asamaan.<br />
41 Mu bënn u doj, ndox ma ball,<br />
di dex, wale joor gu wow.<br />
42 Daa bàyyi xel kàddoom gu sell,<br />
ga mu waxoon Ibraayma, jaamam ba.<br />
43 Moo génne mbooloom, ñu bég,<br />
moo génne tànneefam ña, ñuy sarxolle.<br />
44 Mu jox léen suufi yéefar ya,<br />
ñu jagoo ñaqi xeet ya,<br />
45 ngir ñu sàmm ay dogali yoonam,<br />
topp ndigali yoonam.<br />
Màggal-leen Ki Sax!<br />
Israyil di wor, Yàlla di wóor<br />
1 Màggal-leen Ki Sax!<br />
Santleen Aji Sax ji, kee baax,<br />
kee saxoo ngoram!<br />
2 Ana ku mana tudd jaloorey Aji Sax ji?<br />
Ana ku mana teesal woyam?<br />
3 Ndokklee kuy sàmm yoon,<br />
di def njekk fu mu tollu.<br />
4 Éy Aji Sax ji, séddaale ma ci sa yiwu ñoñ,<br />
ngalla, dikke ma sag wall,<br />
5 ma gis ngëneelu ñi nga tànn,<br />
di bànneexoo sa bànneexu xeet wi,<br />
tey damoondook ñoom ñi nga séddoo.<br />
6 Noo bàkkaar, nook sunuy maam;<br />
noo def lu ñaaw, def lu bon.<br />
7 Sunuy maam seetuñu ca say kéemaan ca Misra,<br />
bàyyiwuñu xel ca sa ngor gu réy,<br />
xanaa di fippu ca géej ga, géeju Barax ya.<br />
8 Teewul Yàlla wallu léen ngir turam,<br />
ba xamle njàmbaaram.<br />
9 Dafa gëdd géeju Barax ya, mu ne sereŋ;<br />
xóotey géej mel ni màndiŋ, mu jàlle léen,<br />
10 musal léen ci loxol bañaale,<br />
jote léen ca loxol noon ba,<br />
11 ndox ma mëdd bañ ya,<br />
kenn desu ca.<br />
12 Ca lañu gëm ay waxam,<br />
woy ko.<br />
13 Nes tuut ñu fàtte jëfam ja,<br />
xaaratuñu ndigalam,<br />
14 di ŋaf-ŋafi ca màndiŋ ma,