You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
127<br />
128<br />
133<br />
ŋàbb mbuusum njiwoom,<br />
yal na dikka dikk, di woy,<br />
ñibbaale sabaaram.<br />
Barkeb Yàllaa wóor<br />
1 Ñeel Suleymaan, di woyu yéeg, wu ñuy màggale Yàlla.<br />
1 Kër, su ko Aji Sax ji tabaxul,<br />
ku ko tabax, neen nga doñ-doñi.<br />
Ab dëkk, su ko Aji Sax ji wattuwul,<br />
ku ko wattu, neen nga teewlu.<br />
2 Neen it la nit di teela jóg<br />
ak a guddee tëdd,<br />
di doñ-doñi lu mu lekk:<br />
Aji Sax ji leel na soppeem lu ni day,<br />
fekk ko muy nelaw.<br />
3 Ma ne, doom yu góor [xg/doom] Aji Sax jee koy sédde,<br />
njurum doom yool la.<br />
4 Doom joo jure ndaw,<br />
mooy fitt ci loxol jàmbaar;<br />
5 ndokklee ku ci mbuusam fees,<br />
ba bu ñu taseek ub noon ca pénc ma,<br />
duñu am gàcce mukk.<br />
Ragal Yàlla, jàmmi kër<br />
1 Muy woyu yéeg, wu ñuy màggale Yàlla.<br />
Ndokklee képp ku ragal Yàlla,<br />
di jëfe ay yoonam.<br />
2 Yaay lekk saw ñaq,<br />
mbégteek ngëneel ñeel la.<br />
3 Sa jabar ni garab gu nangoo sa wanag,<br />
say doom wëra wër sa ndab ni njëmbat lu jebbi.<br />
4 Ki ragal Aji Sax jaa ngoog,<br />
nii rekk lay barkeele.<br />
5 Yal na la Yàlla barkeele fii ci °Siyoŋ;<br />
yal nanga teewe xéewalu Yerusalem<br />
sa giiru dund gépp,<br />
6 te nga gis say sët.<br />
Yal na jàmm dal Israyil.
Change language