Create successful ePaper yourself
Turn your PDF publications into a flip-book with our unique Google optimized e-Paper software.
65<br />
62<br />
Yàllaay nangul suuf<br />
1 Mu jëm ci njiital woykat yi, di woyu <strong>Sabóor</strong>, ñeel Daawuda.<br />
2 Éy Yàlla, yaa jagoo cant fa °Siyoŋ,<br />
yaw lees di jëfeel ab dige.<br />
3 Yaw miy nangug ñaan,<br />
yaw la képp di wuysi.<br />
4 Samay ñaawteef man na ma,<br />
waaye sunuy tooñ, yaa nu koy baal.<br />
5 Ndokklee koo tànn, woo ko,<br />
mu dale say ëtt,<br />
di xéewloo sa ngëneeli kër,<br />
ak sa sellngay dëkkuwaay.<br />
6 Defal nga nuy kéemaan,<br />
nangug ñaan ci njekk,<br />
yaw Yàlla, mi nuy wallu,<br />
di yaakaaru àddina wërngal këpp,<br />
ba ca géej gu sore ga.<br />
7 Yaa dëje tund yu mag yi doole,<br />
gañoo sa kàttan,<br />
8 di dalal riirum géej ak i gannaxam,<br />
ak coowal xeet yi,<br />
9 ba waa cati àddina yéemoo say firnde,<br />
waa penkook sowu di sarxolle.<br />
10 Yaa dikke suuf am wal,<br />
nangul koo nangul.<br />
Dexu Yàllaa fees ndox,<br />
ngay may nit peppam,<br />
ni nga ko waajale suuf si,<br />
11 di suuxat ngàbb mi,<br />
maasalee ko jal yi,<br />
sottiy waame, mu mokk,<br />
cax ma, nga barkeel.<br />
12 Yaay tëje mbeyum at mi say ngëneel,<br />
foo jaare, xéewal walangaan.<br />
13 Parluy màndiŋ maa ngi walangaan,<br />
li wër tund yu ndaw yi di xumbéen.<br />
14 Joor gaa ngi, jur gi muur,<br />
xur yi sàngoo pepp,<br />
lépp di xaacook a woy.