You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
19<br />
2 Sama Yàlla, sama Yàlla, lu tax nga wacc ma ?<br />
Ma binni, binneeti, wall sore.<br />
3 Éy sama Yàlla, ma woote bëccëg, wuyuwoo;<br />
ma woote guddi, noppaloo ma.<br />
4 Yaw de, yaay ku sell, tooge sa jal,<br />
Israyil di la kañ.<br />
5 Yaw la sunuy maam wóolu woon,<br />
wóolu la, nga xettli léen.<br />
6 Yaw lañu daa woo wall, mucc;<br />
yaw lañu wóolu woon te rusuñu.<br />
7 Man nag aw sax rekk laa, matuma nit.<br />
Doom aadama sewal ma, aw xeet tuutal ma.<br />
8 Ku ma gis ñaawal ma,<br />
biiñ ma, xeelu ma, naa :<br />
9 «Na wéeroo Aji Sax ji, mu xettli ko;<br />
su ko soppee, na ko wallu.»<br />
10 Yaw de yaa ma roccee sama biiru ndey,<br />
naxe ma sama weeni yaay.<br />
11 Yaw laa dénkoo ba may juddu,<br />
ba ma juddoo sama ndey, ngay sama Yàlla.<br />
12 Bul ma sore,<br />
musiba teew na, wall amul !<br />
13 Noon yaa ngi ma gaw ni coggalu yëkk,<br />
dar ma ni ponkali yëkk ya fa Basan.<br />
14 Ñu ŋa ma, ŋàpp,<br />
ni gaynde, guy yemmook a fàdde.<br />
15 Doole ŋiis,<br />
yax yoqi,<br />
fit ne soyox, seey.<br />
16 Làmmiñ taqoo denqleñ,<br />
doole jeex, ma wow koŋŋ,<br />
nga tëral ma buntu bàmmeel.<br />
17 Ay xaj a ma wër,<br />
di gàngooru saay-saay, dar ma kepp,<br />
bëtt samay yoxook samay tànk.<br />
18 Maa ngii, mana waññ sama yax yépp,<br />
ñoom ñuy xoole, di ma seetaan,<br />
19 di séddoo samay yére,<br />
di tegoo bant sama mbubb.<br />
20 Waaye yaw, Aji Sax ji, bul sore;<br />
yaa may dooleel, gaawe ma.<br />
21 Xettlil sama bakkan ci saamar,<br />
ba sama benn bakkan bii mucc selli xaj!<br />
22 Musal ma ci pàddum gaynde ak ndañum nagu àll.<br />
Yaa ma wallu woon!<br />
23 Ma siiwali saw tur ci bokk yi,