You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
68<br />
xettliku ci samay noon.<br />
Rikk génne ma yii xóotey ndox,<br />
16 ba gannax du ma mëdd,<br />
xóotey géej du ma warax,<br />
pax du ma kepp.<br />
17 Éy Aji Sax ji, yaa rafet ngor, nangul ma!<br />
Geesoo ma sa yërmande ju yaa!<br />
18 Bu ma làqu, Sang bi.<br />
Jàq naa, gaawe ma.<br />
19 Jege ma, jot ma,<br />
musal ma ci noon yi!<br />
20 Yaa gis ñu di ma sewal, di ma ruslook a toroxal,<br />
yaa ngi ne jàkk ci noonoo noon.<br />
21 Dees maa sewal, sama xol jeex, ma wopp;<br />
may sàkku yërmande, awma ko;<br />
ku ma dëfal it, gisuma ko.<br />
22 Tooke lañu ma leel,<br />
ma mar, ñu nàndal ma lu forox.<br />
23 Yal na seen ndab di seen um yeer,<br />
seeni am-di-jàmm di léen fiir.<br />
24 Yal na seeni gët giim, ba dootu gis;<br />
yal na seen ndigg rëcc fàww.<br />
25 Yal nanga léen yuri mbugal,<br />
sa mer tàkk, dab léen.<br />
26 Yal na seeni dal gent,<br />
seeni xayma wéet.<br />
27 Yaw, nga duma ba noppi, ñu toppaat ca,<br />
nga gaañ, ñu siiwal mitit wa.<br />
28 Dencal léen tooñ ci kaw tooñ,<br />
te yàlla buñu tàbbi ci sag njekk.<br />
29 Yal nañu léen far ca téereb dund ba,<br />
bañ léena limaale ca aji jub ña.<br />
30 Man de, damaa jàq, tiis.<br />
Éy Yàlla, yal naa làqoo sag wall.<br />
31 Damay woy Yàlla, teral ko,<br />
màggal ko, sant ko.<br />
32 Mu gënal Aji Sax ji saraxu yëkk,<br />
kuuyu nag ak i béjjénam ak i wewam.<br />
33 Néew-ji-doole di gis, bége,<br />
kuy sàkku Yàlla yokk u fit.<br />
34 Aji Sax ji day dégg néew-ji-doole moos,<br />
te du sàggane ñoñam ñi ñu njoñ.<br />
35 Na asamaan ak suuf màggal Yàlla,<br />
mook géej ak lu cay yëngoo.