Create successful ePaper yourself
Turn your PDF publications into a flip-book with our unique Google optimized e-Paper software.
113<br />
114<br />
117<br />
1 Màggal-leen Ki Sax!<br />
Yéen ñiy jaamu Aji Sax ji, màggal-leen ko,<br />
màggal-leen turu Aji Sax ji!<br />
2 Yal nañu teral turu Aji Sax ji<br />
tey ak ëllëg!<br />
3 Li dale penku ba sowu,<br />
màggal-leen Aji Sax ji.<br />
4 Aji Sax jee kawe, tiim xeetoo xeet,<br />
teddngaam sut asamaan!<br />
5 Ana ku mel ni sunu Yàlla Aji Sax ji,<br />
ki kaweel ab jalam, toog,<br />
6 di jéer asamaan ak suuf?<br />
7 Mooy yékkatee ku néewle fa suuf,<br />
di seppee ku sonn cib sën,<br />
8 bokkal ko jataayu kilifa,<br />
ya jiite xeetam.<br />
9 Mooy dëël ku tële woona jur,<br />
may ko mbégtem njureel.<br />
Màggal-leen Ki Sax!<br />
1 Ba Israyil bàyyikoo fa Misra,<br />
ba waa kër Yanqóoba dëddu làkk-kat yooya,<br />
2 ca la Yuda doon kër Aji Sax ji,<br />
giiru Israyil googu doon ab jagleem.<br />
3 Géej gaa léen gis, daw,<br />
dexu Yurdan a deltu gannaaw,<br />
4 tund yu mag yiy tëb-tëbee niy kuuy,<br />
di tëbandook tund yu ndaw yi niy mbote.<br />
Buur Yàllaay walloo<br />
Yàllay walloo dooleem<br />
5 Moo géej, loo xewle bay daw?<br />
Yaw, dexu Yurdan, looy deltu gannaaw?<br />
6 Tund yu mag yee, lu ngeen di tëb-tëbee niy kuuy?<br />
Yéen, tund yu ndaw yi, lu ngeen di tëbandoo niy mbote?<br />
7 Suufee, loxalal Boroom bi,<br />
Yàllay Yanqóoba mii,<br />
8 ki soppaliw doj ndox mu taa,<br />
xeer wu ne sereŋ, mu def bëtu ndox.
Change language