You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
46<br />
45<br />
14 Séetu Buur duggsi na, ne ràññ,<br />
sol mbubb mu wurus way tàkk.<br />
15 Ñu yóbbul ko Buur, mu ne boyy,<br />
janq ja ànd ak moom, diy toppam, ñu indil léen Buur,<br />
16 ñu duggsi kër Buur,<br />
ci biir mbégteek bànneex.<br />
17 Yal na la sa doom yu góor wuutu ci seen jalu maam,<br />
nga def léen i kàngam ci réew mi mépp.<br />
18 Maa lay joobe ba sa tur du fey mukk,<br />
xeet yi saxoo laa sant ba fàww.<br />
Aji Sax jee ànd ak man<br />
1 Mu jëm ci njiital woykat yi, di woy wu ñeel askanu Kore wu góor, dëppook galan bu ñuy wax<br />
Alamot.<br />
2 Sunu Yàllaa nuy rawale, di nu dooleel,<br />
di nu wallu fu nu jaaxlee,<br />
3 ba dunu tiit<br />
suuf su yëngu sax,<br />
ba tund yiy tàbbi biir géej,<br />
4 mbaa gannax yu riir, di fuur<br />
ak a fuddu bay gësëm tund yi. °Selaw.<br />
5 Ag dex a ngi def i wal, di bànneexal dëkku Yàlla,<br />
sellngay dëkkuwaayi Aji Kawe ji.<br />
6 Yàllaa ngi ci biir dëkk bi, du raf;<br />
Yàllaa koy dimbali ba jant fenkee.<br />
7 Ay giir a riir, ay réew yëngu;<br />
mu àddu, suuf seey!<br />
8 Aji Sax jiy Boroom gàngoor yee ànd ak nun,<br />
Yàllay Yanqóoba jii a nuy rawale. Selaw.<br />
9 Dikkleen gis jaloorey Aji Sax ji,<br />
ak yàqute gi mu dogal ci kaw suuf.<br />
10 Mu ngi fey xare ci àddina sépp,<br />
dog fitt, damm xeej,<br />
lakk pakk.<br />
11 Mu ne: «Dal-leen te xam ne maay Yàlla,<br />
màgg ci biir xeet yi, màgg fi kaw suuf.»<br />
12 Aji Sax jiy Boroom gàngoor yee ànd ak nun,<br />
Yàllay Yanqóoba jii a nuy rawale. Selaw.