You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
92<br />
34 Waaye duma ko daggal sama ngor,<br />
te duma ko ñàkke worma.<br />
35 Duma fecci sama kóllëre,<br />
te duma toxal sama kàddu.<br />
36 Benn yoon laa ko giñ ci sama sellnga,<br />
duma fen Daawuda:<br />
37 askanam, dàkk;<br />
ab jalam fi sama kanam ni jant bi,<br />
38 ak weer wi sax ba fàww,<br />
dib seede bu wér ca niir ya.» Selaw.<br />
39 Ndaxam yaw Yàlla, jéppi nga ki nga fal,<br />
mere ko, wacc ko.<br />
40 Fecci nga sa kóllëreek sab jaam,<br />
foq nguuram, detteel ko.<br />
41 Bëtt nga miiram yépp,<br />
saam ay tataam,<br />
42 ku fa jaare, jël ca alalam,<br />
mu doon mbalitu dëkkandoo yi.<br />
43 Yékkati ngay bañam,<br />
noonam yépp di ree.<br />
44 Dayal nga saamaram,<br />
te taxawuwloo ko cib xare.<br />
45 Xañ nga ko darajaam,<br />
rattax ngànguneem fa suuf.<br />
46 Dagg nga fani ndawam,<br />
sang ko gàcce. Selaw.<br />
47 Éy Aji Sax ji, xanaa lii du jeex?<br />
Xanaa doo làqu fàww nii,<br />
sa mer di boy?<br />
48 Bàyyi ma xel, samay fan yàggul.<br />
Xanaa du neen a tax nga sàkk mboolem doom aadama?<br />
49 Ana kuy dund te du dee?<br />
Ku mana rëcc tëraayu bàmmeel? Selaw.<br />
50 Boroom bi, ana sa ngor ga nga daan jëfe<br />
te nga giñale woon ko Daawuda ci sa worma?<br />
51 Boroom bi, bàyyil xel ci sa gàcceg jaam ñi,<br />
ak xeet yu bare yi ma yenu yépp.<br />
52 Aji Sax ji, say noon a ngi sewal<br />
buur bi nga fal, ne ko dann.<br />
53 Cant ñeel na Aji Sax ji ba fàww.<br />
Amiin, amiin.