Create successful ePaper yourself
Turn your PDF publications into a flip-book with our unique Google optimized e-Paper software.
51<br />
Yàlla, yërëm ma<br />
1 Mu jëm ci njiitu woykat yi, di kàddug <strong>Sabóor</strong>, ñeel Daawuda. 2 Mooy ba ko yonent Yàlla Natan<br />
seetsee, gannaaw ba Daawuda dëkkoo ndaw sa ñuy wax Batseba.<br />
50<br />
3 Éy Yàlla, baaxe ma ni nga gore,<br />
faral samag tooñ ngir sa yërmande ju yaa.<br />
4 Fóotal maa fóotal sama ñaawteef,<br />
raxasal ma sama moy.<br />
5 Xam naa ne maa tooñ,<br />
sama moy a ngi janook man saa su ne.<br />
6 Yaw laa moy, yaw doŋŋ.<br />
Li nga ñaawlu laa def.<br />
Kon boo waxee, yaa yey;<br />
boo àttee, wacc nga.<br />
7 Ñaawteef daal laa judduwaale,<br />
te sama ndey ëmbaale ma bàkkaar.<br />
8 Dëgg daal nga namm, dëggu reenu xol,<br />
kon déey ma xel mu rafet.<br />
9 Wis ma ndox, ma sell;<br />
sang ma, ma set wecc.<br />
10 Yal nanga ma dégtal mbég ak bànneex,<br />
ma bégati, gannaaw ba nga ma dammatee.<br />
11 Bul xool samay moy,<br />
faral sama ñaawteef yépp.<br />
12 Éy Yàlla, sàkkal ma xol bu sell,<br />
yeesalal ma pastéefu xol.<br />
13 Bu ma xalab,<br />
bu ma xañ sa xel mu sell.<br />
14 May ma, ma bégeeti sag wall,<br />
te dundalee ma xol bu tàlli,<br />
15 ma xamal tooñkat sa war,<br />
ba moykat dellu ci yaw.<br />
16 Céy Yàlla, yaw Yàlla mi may musal,<br />
baal ma deret ji ma tuur,<br />
ma siiwal sa njekk.<br />
17 Boroom bi, may ma, ma wax,<br />
ma delloo la njukkal.<br />
18 Sàkkuwloo sarax, nde kon ma indi;<br />
te soppuloo °sarax suy lakk ba jeex.<br />
19 Saraxi Yàlla, xol bu toj la,<br />
yaw Yàlla, xol bu toj ba mokk, doo gàntal boroom.<br />
20 Ngalla baaxeel °Siyoŋ,