You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
24<br />
noonoo ma, bañ ma;<br />
mooy tërëf, fëlëñu.<br />
3 Bu gàngoor booloo sama kaw,<br />
duma raf.<br />
Ab xare jib,<br />
ma ànd ak Yàlla.<br />
4 Lenn laa ñaan Aji Sax ji,<br />
lii laay sàkku:<br />
dëkk kër Aji Sax ji,<br />
sama giiru dund,<br />
di niir taaru Aji Sax ji,<br />
te yéemoo këram.<br />
5 Bésub ay, mu yiire ma mbaaram,<br />
làq ma, ma làqoo xaymaam,<br />
aj ma ciw doj, ma raw.<br />
6 Ma doxe fa siggi,<br />
tiim noon yi ma wër,<br />
di sarxali fa xaymaam<br />
saraxi sarxolle.<br />
Naa woyal Aji Sax ji, joobe ko.<br />
7 Éy Aji Sax ji, déglul, ma woote!<br />
Ngalla baaxe ma, nangul ma.<br />
8 Yaw la sam xel ne ma, ma sàkku la, [/Ma ba xel la nga noon: «Sàkkuleen ma,»]<br />
te it yaw Aji Sax ji laay sàkku.<br />
9 Sang bi, bu ma làqu,<br />
bul mer, jañax ma.<br />
Yaa ma daa wallu.<br />
Bu ma wacc, bu ma ba,<br />
yaay Yàlla mi may musal.<br />
10 Ndey ak baay man nañu maa wacc,<br />
Aji Sax ji fat ma.<br />
11 Éy Aji Sax ji, joxoñ ma saw yoon,<br />
jaarale ma joor gu wóor,<br />
ngir ñi may tëru.<br />
12 Bu ma baye bànneexu noon.<br />
Seedey naaféq a ma jógal,<br />
di sos fitna.<br />
13 Maay dajeek ngëneelu Aji Sax ji<br />
fi kaw suuf sii.<br />
Lii wóor na ma.<br />
14 Yaakaaral Aji Sax ji,<br />
dëgërlul te am u fit,<br />
te yaakaarati Aji Sax ji.
Change language