Matematika 6 - Albas

punohet 2(d), 3(c), 4(c) dhe 5(c).
- Pasi jep dhe detyrat e shtëpisë, që mund të jenë 2(a, b), 3(a, b), 4(a, b) dhe 5(a), bën
përforcimin teorik duke kërkuar të formulojnë rregullin e shumëzimit dhe thjeshtimit për
të fituar thyesa të barabarta.
- Rekomandon dhe ushtrime me dëshirë në librin e ushtrimeve.
Tema 1.4 Kriteret që një numër të plotpjesëtohet me 2, 3, 4, 5
Objektivat. Në fund të orës së mësimit nxënësi:
- Të dijë se cili është ndryshimi ndërmjet pjesëtimit dhe plotpjesëtimit.
- Të dallojë numrat e thjeshtë.
- Të dijë kriteret që një numër të plotpjesëtohet me 2, 3, 4, 5.
Mjetet dhe baza materiale:
- Libri i nxënësit
- Libri me ushtrime për nxënësin
Metodat që do të përdoren.
- Problemore
- Diskutimit
- Punë individuale
Zhvillimi i mësimit
- Mësuesi zhvillon punën përgatitore duke iu drejtuar nxënësve:
- Pjesëtoni numri 8 me 2. Ka mbetje gjatë pjesëtimit? Pjesëtoni numrin 24 me 5.
Ka mbetje?
Përgjigjet janë jo dhe po për të dytën. Mësuesi këtu jep përkufizimin që ka në tekst se
kur pjesëtimi quhet plotpjesëtim. Po këtu jepet se kur një numër a është shumëfish i një
numri b duke zhvilluar shembullin 1. Kurse, duke zhvilluar shembullin 2, jep kuptimin e
numrave të thjeshtë ose primë.
Kriteri që një numër të plotpjesëtohet ose jo me 3 duhet të nxirren nëpërmjet shembullit
3 (a, b) (nuk duhet shënuar shembulli 4 b, sepse b i takon 3).
Kurse me punë të pavarur të nxënësve, nxirret kriteri që një numër plotpjesëtohet ose
jo me 4, duke zhvilluat ushtrimet 1 dhe 2.
Për të nxerrë kriterin se një numër të plotpjesëtohet ose jo me 5 mësuesi punon me nxënësit
ushtrimet 3, 4 dhe 5.
Mbas përfundimit të çdo ushtrimi mësuesi duhet të theksojë se çfarë treguam, jo të
thotë se vërtetuam, sepse vërtetimi bëhet për rastin e përgjithshëm.
- Nga ushtrimet që janë në fund të temës, mësuesi punon me nxënësit ushtrimet 1, 2, 3, 4
(për secilin ushtrim zgjidhet e treta).
Mbasi ka përfunduar dhe këto, mësuesi duhet t’i kthehet shënimit, të cilin e sqaron, por
duhet të theksojë se nuk është i detyruar. Nxënësit me rezultate shumë të larta duhet të
dinë kriteret e plotpjesëtimit me 9, 25 dhe 11.
Përforcon mësimin duke kërkuar nga nxënësit të japin kuptimin e plotpjesëtueshmërisë
së numrave primë, kriteret e plotpjesëtueshmërisë me 2, 3, 4, 5.
Si detyra shtëpie mund të jepen ushtrimet 1, 2, 3 dhe 4 (të parën dhe të dytën e çdo
ushtrimi). Si punë të diferencuar, ushtrimin 5. Për punë të pavarur të shihen ushtrimet e
faqes 8, te libri i ushtrimeve.
16