Matematika 6 - Albas

Zhvillimi i mësimit.
Vërtet që në punën përgatitore nuk ka pyetje por përderisa thuhet se është trajtuar rregulla
e mbledhjes dhe e zbritjes, mund të drejtohen pyetjet: Si mblidhen thyesat? Si zbriten thyesat?
Nëse për dy veprimet e mbledhjes dhe zbritjes u përdor një tabelë për konkretizim,
për shumëzimin dhe pjesëtimin mësuesi duhet të formulojë rregullat e dhëna në tekst pa
debatuar me klasën.
Në këtë orë mësimi ka vërtet tetë shembuj të zgjidhur, por mendoj se 1, 2, 3 dhe 4 janë shumë
të thjeshtë. Kështu që 1 dhe 2 do t’i punojë mësuesi, kurse ushtrimin 3 një nxënës në dërrasë.
Pasi jepet përkufizimi i thyesave të anasjella, mësuesi i drejtohet klasës për të punuar
ushtrimin: Gjej të anasjellat e çdo thyese. Të punohet frontalisht.
Pavarësisht se në tekst është vërtetuar se prodhimi i dy thyesave të anasjella është 1,
mund të ngrihet një nxënës për ta vërtetuar.
Pasi mësuesi zgjidh dhe shembullin 4, tërheq vëmendjen e nxënësve për shembullin 5,
duke kërkuar nga ata se si shkruhet në formë thyese numri 4. Pastaj vazhdohet si te
shembulli 3. Për shembujt 6, 7 dhe 8 në fillim ka rëndësi sqarimi i formulave 3, 4 dhe 5.
Kur mësuesi të jetë bindur se ato janë kuptuar, të kalohet në zgjidhjen e shembujve.
Mësuesi duhet ta ketë planifikuar mirë orën e mësimit që, në momentin e përfundimit të
orës së mësimit, të ketë përfunduar shembujt dhe të mos i ngelet kohë e lirë. Nëse i
ngelet kohë, duhet të sqarojë edhe një herë formulat e tabelës.
Për detyrë shtëpie të jepen ushtrimet 1 dhe 2.
Për punë të pavarur të shikohen ushtrimet në faqen 15 te libri i ushtrimeve.
1.14 - 1.15 - 1.16 Ushtrime
Të tri temat do të trajtohen njëlloj.
Objektivat:
- Të përforcohen veprimet e mbledhjes, zbritjes, shumëzimit dhe pjesëtimit të thyesave.
- Të rikujtohet kthimi i thyesave në emërues të njëjtë.
- Të kryhet thjeshtimi i thyesave jo me çfarëdo pjesëtues të emëruesit dhe
numëruesit, por me PMP për të cilën do të marrim një thyesë të pathjeshtueshme.
Mjetet dhe baza materiale:
- Libri i nxënësit
- Libri me ushtrime për nxënësin
- Tabela që u përdor në mësimin 1.13.
Metodat që do të përdoren:
- Metoda e punës individuale
- Puna me grupe (për ushtrimet me
alternative)
Zhvillimi i mësimit
Për 1.14 do të punohen deri te ushtrimi 6.
Mësuesi ngre në dërrasë një nxënës për të punuar 1(a).
Të kryet veprimi
. Nxënësi të lihet i lirë për ta punuar.
Nxënësi nuk kryen thjeshtime në fillim, por zbaton vetinë e shumëzimit të dy thyesave,
28