Matematika 6 - Albas

është e kuqe, sa është në ngjyrën blu? Pra pjesa blu merret duke hequr pjesën e kuqe.
Pra, ndryshesa e dy thyesave me emërues të njëjtë është një thyesë që ka si emërues
atë të thyesave dhe si numërues diferencën e numëruesve të thyesave.
Mësuesi kërkon që ky përfundim të përsësritet dhe nga disa nxënës.
Pastaj zgjidh vetë shembullin 2 dhe një nxënës ngrihet në dërrasë për të punuar ushtrimin 2.
Mësuesi u drejtohet nxënësve duke theksuar se ato dinë të mbledhim dhe zbresim
thyesat me emërues të njëjtë. Prandaj për thyesat me emërues të ndryshëm, për të kryer
veprimin e mbledhjes dhe zbritjes, duhet të kthehen në emërues të njëjtë.
Këtu mësuesi fillon të zgjidhë shembujt 3, 4 dhe 5. Gjatë zgjidhjes së tyre mësuesi
duhet të sqarojë momentin kur shumëzon me faktorin plotësues të çdo emëruesi,
numëruesi e çdo thyese. Shembujt duhet të punohen me shumë kujdes.
Për të bërë përforcimin praktik mësuesi punon në dërrasë me nxënës të veçantë ushtrimin 3(a, b).
Përforcimin teorik e bën duke përsëritur ato të rubrikës: Duhet të mbani mend.
Si detyrë shtëpie mund të jepen ushtrimet 1, 2(a, b), 3, dhe 4(b, c).
Për punë plotësuese mësuesi udhëzon nxënësit të punojë ushtrimet e faqes 11, 12 në
librin e ushtrimeve.
1.12. Ushtrime
Objektivat: Në fund të orës së mësimit nxënësi të jetë i aftë:
- Të mbledhë dhe zbresë thyesave me emërues të njëjtë dhe të ndryshëm.
- Të dijë të shtroj dhe të zgjidhë problema, ku përdoret mbledhja dhe zbritja e thyesave.
Mjetet dhe baza materiale:
- Libri i nxënësit
- Libri me ushtrime për nxënësin
Metoda që do të përdoret:
- Metoda e diskutimit.
Zhvillimi i mësimit
Mësuesi punon frontalisht me nxënësit ushtrimin 1(a).
Gjatë kësaj kohe një nxënës tjetër punon në dërrasë ushtrimin 1(b), të parin. Mbasi
nxënësit kanë përfunduar ushtrimin 1(a) mësuesi kërkon nga ata që të fillojnë ushtrimin
që nxënësi punon në dërrasë. Nëse konstaton se ushtrimi është kuptuar, mësuesi ngre
në dërrasë një nxënës tjetër për të punuar ushtrimin 2(c), të tretën. Mendoj që pas
përfundimit të këtij ushtrimi, mësuesi duhet që ta shpjegojë dhe ai zgjidhjen e këtij ushtrimi.
Në tekst është zgjidhur dhe problema 3. Mësuesi kërkon nga nxënësit që të
përqendrohen te kjo problemë dhe të mos mbajnë shënim.
Meqenëse është problema e parë, mësuesi u jep nxënësve disa udhëzime se çfarë
duhet të kenë parasysh për zgjidhjen e problemave.
a) Problema duhet lexuar mirë dhe të kuptohet.
b) Duhet të dallohet se çfarë jepet dhe çfarë duhet gjetur.
c) Hartohen pyetjet të cilat do të na çojnë në zgjidhjen e problemës.
26
Pra dihen pjesët e lekëve të harxhuara veç e veç për libra, fletore dhe për mjete të tjera.