Lebe Moten un Frünnen - Quickborn. Vereinigung für ...

THIES – Prof. Dr. Peter Martens 90 Johr oolt
den Hamborger Lehrgang wichtige Rebeten vun de Lehrerutbillen afhannelt,
t.B. ok de Bedüden vun techensche Ünnerrichtsmiddels, de blangen
de Phonetik un Utspraakscholen nödig deen.
Sprekenlehren, Rhetorik und Vördragskunst hett Peter Martens Minschen
ok in Lehrgäng bi Gewarkschoppen, Volkshoochscholen un annere Organisatschonen
bibröcht.
Wieldat he wat vun Literatur verstünn, hett man em in ’t Kuratorium
vun de Stiften FVS för den Fritz-Reuter-Pries un in de Freudenthal-Sellschop
för den Freudenthal-Pries haalt.
Phonetik, Plattdüütsch un Hamborg, dat weren de Hööftrebeten, op de
Peter Martens publizeert hett. Wat Phonetik angeiht, findt man ok sien
Bidrääg op internatschonale Phonetik-Kongressen. To de Theorie keem
bi Peter Martens ümmer ok de Praxis. Dat wiest de Bispelen ”Phonetik
der deutschen Sprache – Praktische Aussprachelehre”, ”Übungstexte zur
deutschen Aussprache”, ”Abbildungen zu den deutschen Lauten”,
”Schallplatten zur deutschen Aussprache”, ”Deutsche Laute im Bild (Diapositiv-Reihe)”,
”Deutsche Lauttafeln”.
Plattdüütsch leet em nie nich los. Dat süht man to ’n Bispeel in sien ”Plattdüütsch
in de School – Handreichungen und Anregungen für den Unterricht:
1.-4. Schuljahr”, ”Niederdeutsche Literaturempfehlungen” (för Scholen),
”Wi snackt Platt”, Plattdeutsche Textsammlung für 8- bis 11-Jährige
(tosamen mit Heinrich Kahl), ”Platt för Jungs un Deerns” Plattdeutsche
Textsammlung für 10- bis 13-Jährige (tosamen mit Heinrich Kahl), ”Zur
Orthographie niederdeutscher Texte” (tosamen mit Hiltrud Scheeren-Martens).
Dorto kaamt de Böker ”Vun Gott un de Welt” (mit Heinrich Kahl),
”Ook op Plattdüütsch geiht dat goot” un ”Plattdüütsch güstern un hüüt”.
Sien Vaderstadt Hamborg hett Peter Martens mit Bidrääg as ”Einige Tatsachen
über Hamburg”, ”Kleine Hamburg-Kartei”, ”Willkommen in Hamburg”,
”Kleiner Hamburg-Spiegel” beschreven. Se sünd deelwies ok op
Engelsch, Franzöösch un Spaansch rutkamen. Un Plattdüütsch höört för
em ümmer to Hamborg to. Vun em stammt to ’n Bispeel ”Hamburger
Platt”, ”Hamburgisch: Geestmundart, Marschmundart, Missingsch”,
”Plattdeutsches Hamburg-Buch”.
En Sprakenfründ, de en fien Ohr för Utspraak un de veel för sien plattdüütsche
Spraak un sien Vaderstadt Hamborg över hett, de mit wetenschopliche
Gründlichkeit kickt un en recht praktische Ader hett, de nich
toletzt en olen Quickborner is, dat is Peter Martens. De Lüüd vun den
Quickborn graleert vun Harten to sienen 90. Boortsdag.
24