Lebe Moten un Frünnen - Quickborn. Vereinigung für ...

DIRK RÖMMER
Ut’n Quickborn
Reed bi de Johrsversammeln
an’n Sünnobend, an’n 1. Feberwor 2009
in’t Gemeendhuus St. Georg in Hamborg
Lebe Lüüd un beste Frünnen,
vundoog is uns’ Johrsversammeln 2008, wo wi op dat verleden
Johr trüchkieken dot un uns anseht, wat dor so allens
vörtüch komen deit.
Is je dat Johr, wo de Ik in’n Rohstand gohn is un opheurt
hett mit dit un dat. Hebbt sik een poor al de Hannen schüert
un meent: nu kann he je noch beter för den Quickborn
sorgen, hett noch mehr Tied för unsen Vereen. Dor sünd de
Rentiere je heel praktisch för. Man Ik hett seggt: Heff ik keen
Lust to. Dat reckt mi, wat ik do. Ik will dat ok marken, winn
Ik in’n Rohstand is.
Un so hett Ik nich blots sien Arbeid an de Hoochschool in
Heid opgeben, he hett ok noch de plattdüütschen Gottesdeensten
in de Jacobi-Kark loten, de he no Australien vun
1997 op an wedder opnohmen harr.
Wo Ik nu affiert is, hett he nich mehr Tied för den Quickborn.
Un will ok nich mehr Tied insetten. Em gefallt dat in
Tönn un he is froh, wat he nich mehr allerwogens rümbutschern
mutt.
Ik hett sik vörnohmen, wat he dit Johr sogor noch mehr
opgeben will. De Arbeid in’n Vörstand vun de Bevensen-
Dagfohrt un allens, wat he mit un för den Karkendag deit,
dat lett Ik dit Johr ok noch.
Wat för Ik noch blifft, is de Quickborn, wo Ik letzt Johr je
nochmol wedder wählt worrn is. Un dor is nu eerst dat eerst
Johr afleevt.
Ut
Vörstand un Biroot hebbt sik letzt Johr no uns’ Johrsversammeln
an’n 5. April, 7. Juli un 4. Oktober dropen. Un ok
nu in’n Januar 2009, an’n 10.1., sünd wi in dat nee Lokol
de Vereenigung
95