Lebe Moten un Frünnen - Quickborn. Vereinigung für ...

DAT BLATT OP PLATT
De eerst Utgaav vun düt Johr 2009 hebbt
se mal wedder fein henkregen. Een, de
dat nich hett or lesen deit, is sülvst
schuld; köst ja meist nich mehr as’n
Grog, hest aver veel länger wat vun!
Se schrievt – veer Sieden! – över den
Seemannsclub ”Duckdalben”. Müss jedereen
in Noorddüütschland kennen!
Un wenn nich: Mit Jasper dör den Haben
fohr’n un sülvst sik ankieken.
Lohnt sik! – Negen Sieden mit veel Biller
vun’ne Reis na Danzig. Ok fein
maakt. Un över dörtig Johr ”Godewind”
schrievt se, över en Fier för twintig
Johr ”Liekedeler” an’ 13.9. in düt
Johr; un en’ Kalenner för all’ns Plattdüütsche
hebbt se ok, wo insteiht, wat
dat in’t Radio,TV un Theater gifft un
wo leest ward un wo plattdüütsche
Musik speelt ward. Achter de Kulissen
vun NDR 1 Welle Nord hebbt de Redakteure
keken, se schrievt över Suppenköken,
feine Slachterladens un över
de oostfrees’schen Musikmakers un de
Fehrsgill un veel anners noch… Köpen
un lesen kann’k blots seggen!
DAT BLATT OP PLATT, Eidelstedter
Weg 284, 25469 Halstenbek (040/ 553
59 89) föfftig Sieden A4, tweemal in’t
Johr. Carl Groth
Film
Plautdietsch in’t Kino
In’n April leep in’t Hamborger Kino
3001 en wohrhaft exotischen Film.
”Stellet Licht” späält in de norden Kant
Rezensionen
vun Mexiko ünner Mennoniten, un ok
noch meist heel un deel in jümehr
Spraak Plautdietsch. Bloots en poor Lü,
de keen Mennoniten sünd, snackt
spaansch. Allens hett düütsche Ünnertitel.
De Film stammt vun den mexikaanschen
Filmemaker Carlos Reygadas
un hett vörig Johr in Cannes den
”Groten Pries vun de Jury” wunnen.
Väle kunnen woll mit son Exotik nix
anfangen, un weckeen weet al vun
Plautdietsch wat af? As ik mi den Film
ankieken dä (dat weern en Sünndag),
verleurn sik man jüst teihn Lü in’t Kino.
In’n Film geiht dat üm den Konflikt
twüschen en Buur ut de Mennonitenkolonie
un twee Froons. Johan (Jehaun)
is verheiraadt mit Esther, un se hebbt
söss Kinner, de mehrsten noch lütt. Jichenswenn
hett sik Johan in Marianne
verleevt, een unverheiraadt Fro. He
finnt Gefallen an düssse neje Leefde,
man to glieke Tied plaagt em düchtig
dat Gewäten. He behöllt dat nich för
sik, snackt dor mit sien Verwandten
över, sogor mit Esther. He mag jüm all
beid un will jüm ok beholen. Schients
dat halve Dörp weet vun Johan sien
Knütt, man nüms snackt mit em. Ok
Marianne feuhlt sik schüllig. De Sex
twüschen Johan un Marianne wiest
överhaupt nix vun Lust, lett ehrder
banghaftig.
De Mennoniten bäädt egaalweg bi
Disch, ok up’t Feld bi de Arbeid, un se
sünd säker ok streng, wat Ehebräken
angeiht. Man Religion späält in düssen
Konflikt meist keen Rull, un dat hett mi
wunnert. Uns Wääg sünd vörbestimmt,
seggt de Grootvadder to sienen Söhn,
förwiss bruukt di de Düvel as Warktüüg
för dien Doon. Johan wiest dat
groff trügg. Nix is vörbestimmt, he is
71