Lebe Moten un Frünnen - Quickborn. Vereinigung für ...

Rundschau
Hermann-Allmers-Pries
In en Fierstunn an’n 1. März in Warstade
(Kreis Cuxhaven) kreeg de
Schoolmeister Hans-Hinrich Kahrs ut
Alfstedt (Kreis Rodenborg/Wümm)
den Hermann-Allmers-Pries. He hett
grote Verdeensten bi de Plääg un dat
Wiedergäven vun de plattdüütsche
Spraak. Hans-Eckhard Dannenberg
vun’n Landschopsverband Staad sä in
sien Loffrääd, dat sik Kahrs wied över
sien Plichten för Platt insett hett. Hermann
Allmers (1821-1907) weer Schoolmeister
un Dichter in Plattdüütsch.
gymnasium-warstade.de / hjm
Dat grote P
An’n 17. Mai kreeg de Band ”Godewind”
ut Nordfreesland in’t Husumer
Slott den Pries ”Dat grote P” (ok de
”plattdüütsche Oscar” neumt) ut de
Hannen vun’t Plattdüütsch-Zentrum
Leck. To glieke Tied kann ”Godewind”
sien dörtigjohrig Jubiläum fiern. Vun de
Kru gifft dat bet nu 39 LPs un CDs.
Larry Evers un Shanger Ohl, de de
Band grünnt hebbt, sünd jümmer noch
mit bi. Ut jümehr Fedder stammt över
800 plattdüütsche Leedtexten. ”Dat
grote P” is ton veerten Maal vergäven
worrn. Plattnet / hjm
Borsla-Pries
Bet ton 15. Juli künnt Texten (Vertellen
un Riemels) för den Borsla-Pries inschickt
warrn (elkeen Text mutt fief
Kopien hebben). Adress: Borsla, Stich-
84
wort ”Borsla-Preis 2009”, Postfach
1241, 26217 Bösel. Diesel / hjm
Klaus-Groth-Pries
Den Lyrik-Pries, de no den Dithmarscher
Klaus Groth nöömt is un vun de
Stadt Heid utgeben ward, hett dit Johr
Jürgen Heitmann ut Celle wunnen. De
Jury fünn sien Arbeid ’sotoseggen‘ best.
De Pries, de vun Karl-Heinz Groth betohlt
ward (e 3000.-) ward an’n 12. Juni
in Heid öbergeben.
dr
Ohnsorg-Verdeenstmedaille för Herma
Koehn
Uns’ Quickborn-Moot Herma Koehn,
de ok in de Jury för den ’Quickborn-
Pries‘ mitarbeiden deit un op de Bühn
vun’t Ohnsorg in ’Misery‘ wiest hett,
wo wunnerbor se Theoter spelen kann,
kreeg an’n 17. April no een Vörstellung
vun dit Stück de Ohnsorg-Verdeenstmedaille
vun de ’Stiftung zur Förderung
des Ohnsorg-Theaters‘ in de
Hand. Bi de Hanseoten – so sä Dr.
Christian Breitzke in sien Loffreed – is
so’n Medaille dat Heuchste, wat dat
geben deit. Liek as’n Orden! Wi groleert
vun Harten! (siehe auch S. 77) dr
STERBEFÄLLE
Herbert Strehmel
Kott vör Wiehnachten 2008 störv na
swore Krankheit Herbert Strehmel. In
johrelange Arbeid hett he in sien freje
Tied dat finnsche Nationalepos ”Kalevala”
up Plattdüütsch översett. Dat
weer en stuur Wark, den besünnern
Rhythmus vun düt Epos in plattdüütsche
Riemels weddertogäven.
Dat Blatt op Platt / hjm