Lebe Moten un Frünnen - Quickborn. Vereinigung für ...

Ut de Vereenigung
Un wi alltohoop leggt för den Vereen fast, wat warrn schall. Dat is nie
nich so, wat de Ik dat alleen utklamüstert.
Ok bi Christa Heise-Batt, Wolfgang Baar, Cord Denker, Bolko Bullerdiek
un Wulf Lammers bedank ik mi. Un bi unsen Ehrenlittmoot Perfesser
Fiete Michelsen, de ok nu in’t hoge Öller noch mit dinken un mit vörbereiden
deit, wo’t man geiht.
Ellen hett noch jümmer de Opsicht öber de Mails an’n Quickborn, mookt
noch dat Internet. Dor dankt wi ok ehr för.
Dat ward sik nu dit Johr noch verbetern un ännern, hebbt wi mit’nanner
besnackt.
Blievt mien Vörstands-Lidmoten: Johanna, de de Protokollen schrifft,
Christl, de uns’ Geld tohoopholen un tohoopholen deit. Un Wolfgang,
mien Wolfgang, de nu in de Hauptstadt Berlin trecken will un dor ok’n
Quickborn grünnen. Hett dat al mol geven, meent he. Schall dat wedder
geben! Ok jo vun Harten Dank!
Bet anner Johr is eerst mol allens stabil. Wi wählt eerst 2010 wedder för
den Vörstand.
Man för de Jury is dat nu sowied.
All de, de to dit Gremium heurt, sünd dor al wat linger bi. Man, blots de
Priesen 2006 un 2008 weur nu vun jüm to bedinken. Volker Holm 2006 un
Jürgen Meier 2008 hebbt se utkeken. Een feine Wohl, de dat Ansehn vun
unsen Pries hoch holen hett. Ok hier een groot Dankescheun!
Dr. Wulf Lammers ward uns noher vertellen, wat de een or anner Lust
hett un noch wieder moken much.
Bet herto heurt Wolfgang Müns, Uwe Hansen, Marianne Römmer, Herma
Koehn, Wulf Lammers un de dore Ik dor mit to.
Mag angohn, ok de een or anner vun jo harr Lust.
So, Lüüd, nu is de Koken al meist verdaut, so langen heff ik snackt. Man
dat mag dor an liggen, wat Ik nu nardens mehr predigen deit. Un so’n
Gelegenheit lett he sik nich ut de Nääs gohn.
Wöllt wi höpen, wat ok dit Johr för uns alltohoop een scheune Tied ward.
Danke
99