Univers15

Prof. Dr. Hysen Kordha
KUVENDI I SINJËS (1912), KARAKTERI KOMBËTAR
I MEMORANDUMIT TË TIJ
Kuvendi i Sinjës, 100 vjetori i të cilit u përkujtua dhe u festua
në korrik të këtij viti jubilar të 100 vjetorit të Shpalljes së
Pavarësisë, u përket atyre ngjarjeve të mëdha historike të etapës
së fundit të kryengritjeve të përgjithshme të viteve 1910-1912 të
cilat çuan në kurorëzimin me sukses dhe fitore të Lëvizjes
kombëtare Shqiptare me Shpalljen e Pavarësisë dhe Krijimin e
Shtetit të Pavarur Shqiptar Në atë proces historiko-politik u
mobilizuan gjithë shqiptarët në një luftë të gjithanëshme politike,
kulturore, të armatosur etj. Kuvendi i Sinjës që u mblodh në
fshatin Sinjë të Beratit dhe i zhvilloi punimet nga 10 deri më 23
korrik 1912 ishte pjesë përbërëse e atij procesi historiko-politik.
Ai u mblodh dhe i zhvilloi punimet pikërisht në kohën kur
kryengritja e përgjithshme antiosmane e vitit 1912 kishte
përfshirë dhe zhvillohej (2 në gjithë hapësirën etnike shqiptare.
Momenti historiko-politik ishte i veçantë dhe i jepte Kuvendit të
Sinjës vlerë të jashtëzakonshme, sepse me vendimet që mori i
përgjigjej detyrave historike kombëtare që shtroheshin para
kombit shqiptar në ato momente. Synimet e vendimeve të tij
ishin në përputhje të plotë me strategjinë politike të Lëvizjes
kombëtare Shqiptare gjatë Rilindjes. Përmbajtja e Memorandumit
(dokumenti themelor) të miratuar nga Kuvendi i Sinjës e
shprehu qartë dhe publikisht këtë aspekt ku gjithçka gjykohej e
vlerësohej në shtratin e interesave kombëtare, ku çdo gjë
shtjellohej dhe kërkohej për gjithë trojet dhe kombin shqiptar,
pa veçuar askënd. Ai ishte shprehje tjetër e qartë dhe e plotë,
domethënëse dhe dëshmi e unitetit politik e organizativ të
lëvizjes kombëtare Shqiptare në tërë hapësirën mbarëetnike
shqiptare.
2 ==Fjalor Enciklopedik Shqiptar, Vëllimi i dytë, Akademia e
Shkencave e Shqipërisë, Tiranë 2008 faqe 1431
u n i v e r s
7
rezymete