LA MORT DE MITRIDATE - University of Liverpool

La Mort de Mitridate
T’oblige à me traicter comme les ennemis ?
Il est vray, je le suis, mais c’est de Mitridate,
830 Tu le dois estre aussi, si tu n’es point ingrate.
Si de sa passion ton esprit n’est guery,
Tu suivras à clos yeux l’interest d’un mary.
Nostre condition sera tousjours commune,
Tu dois aveuglement embrasser ma fortune :
835 Aymer tous mes amis, haïr ceux que je hay,
Et pour ne point faillir, faire ce que je fay.
BERENICE.
Je sçay ce que je dois à la foy conjugale,
Mais sçache que mon ame est une ame Royale :
Qui ne peut sans contrainte appreuver un forfaict,
840 Ny louër un peché, quoy qu’un mary l’ayt faict. [p.43]
Conduy tes bataillons aux murs de cette ville,
Qui sert contre les tiens à toy mesme d’azyle.
Va porter la terreur aux lieux plus retirez,
Que le flambeau du jour ayt encor esclairés.
845 Rend des Cieux seulement tes conquestes bornées,
Arme toy, si tu veux, contre les destinées :
Et si tu ne me vois compagne de tes pas,
Publie hardiment que je ne t’ayme pas.
Mais servir les Romains contre ton propre pere,
850 Usurper par sa mort un throsne hereditaire,
Tenir le jour de luy, le luy vouloir oster,
Juges-tu qu’en cela je te doive imiter ?
Sçache que je croirois une honte de vivre,
Ayant eu seulement le penser de te suivre.
PHARNACE.
855 Je commets un peché que je ne peux nier,
Mais tout ce que j’ay faict se peut justifier.
Je blesse mon honneur d’une mortelle offense :
Mais les raisons d’Estat me servent de dispense. 30
Mes parens 31 delaissez, Mitridate trahy,
860 Ses soldats subornés, son pays envahy,
Des ennemis mortels l’alliance embrassée,
Ses rampars assaillis, & sa ville forcée,
Me font paroistre ingrat, traistre, denaturé :
30
31
Beauregard says just this in his liminary poem: ‘Pharnace est innocent par maxime
d’Estat’ (p. 80, l. 10).
AF: ‘Qui est de mesme famille, qui est de mesme sang, qui touche de consanguinité à
quelqu’un’. Cf. ll. 960, 1705, 1750.
116