LA MORT DE MITRIDATE - University of Liverpool

Act II
SCENE II.
MITRIDATIE. NISE. BERENICE.
MITRIDATIE.
Allez où la fureur aveuglement vous porte :
Je ne vous verray plus, mon esperance est morte :
Mais si ma foible main ne vous peut secourir,
360 Estant de vostre sang je sçauray bien mourir.
NISE.
O par dessus le sexe heureuse Hypsicratée ;
Ayant receu du Ciel une force indomptée,
Qui te faict mespriser les perils evidens,
Et t’endurcit le cœur contre les accidens !
365 O que mesme faveur ne me fut-elle offerte !
Du sang des ennemis je vangerois ma perte,
Et je croirois mon sort beaucoup moins rigoureux,
Si la moitié du mal pouvoit tomber sur eux.
[p.19]
BERENICE.
Si vous avez dans l’ame une si juste haine,
370 L’espouse de Pharnace en doit porter la peine.
Il est nay de celuy par qui vous respirez,
Mais punissez sa femme, & vous le punirez. 7
Je sçay bien que pour moy son amour est extréme,
Et quoy qu’il soit perfide, asseurément il m’aime.
375 Embrassez ce moyen pour vous vanger de luy,
On peut estre cruel à l’exemple d’autruy.
Apres sa trahison le traictement plus rude
Est encore trop doux à son ingratitude ;
On ne sçauroit faillir en le desobligeant,
380 Et le plus inhumain, c’est le plus indulgent.
MITRIDATIE.
Ha ! ma sœur, que ce mot sensiblement nous touche !
Et que ceste requeste est mal en vostre bouche !
Perdez l’opinion que vous avez de nous,
Ou bien nos ennemis nous traitent mieux que vous.
385 Helas vostre vertu nous est trop bien cognuë,
[p.20]
7
In his edition of Racine’s Mithridate, Bernardin calls this and the next three lines ‘un
discours ridicule, qu’aura le tort de développer dans Horace la Sabine de Corneille’
(p. 7).
97