prologo - Academia de l'Aragonés

Normas:
–Dende 0 dica 30 y as decenas redondas (40, 50,...) s’escriben en una
sola parola: quatre, dotze, vintisiet...
–Entre 31 y 99, s’escriben en dos parolas deseparadas por a conchunción
copulativa (y/e) os que no son decenas redondas (u multiples
de 10): trenta y tres, setanta y ueito, quaranta y dos... S’escribe con
guion as formas que prescinden de conchunción: trenta-dos, quaranta-quatre,
sixanta-nueu...
–As centenas (entre 100 y 999) s’escriben en chunto: cient, cincocientos,
noucientos... Se pueden asimilar a este sistema os numeros entre
1100 y 1600: dotzecientos, quincecientos...
–Ta os milars u millars, s’anyadirá mil: cinco mil, trecientos mil, ciento
vintiséis mil...
–A resta de numeros se formará con composición d’as variants anteriors:
tretze mil quatrecientos vintidós, setanta y ueito mil docientos novanta
y tres...
–As formas millón, billón, trillón... son substantivos que se pueden
combinar con es atros numerals: tres millons, vintisiet millons quaranta
y dos mil trecientos cinquanta y tres...
9. Uso d’as mayusclas
Estudio de Filolochía Aragonesa (Academia de l’Aragonés)
As letras mayusclas tienen un uso especializau en o reconoiximiento
d’os limites de clausulas escritas y de denominacions singulars, no comuns,
que s’achustan a uns regles concretos. En artes graficas y rotulación ye posible
de dar-les un uso anormativo que no ye propio de textos formals. Tamién
son susceptibles, as mayusclas, d’estar accentuadas en as mesmas
condicions que as minusclas.
Se mete letra mayuscla en os siguients casos:
1. En a inicial d’a primer parola d’un paragrafo y en a que vaiga dimpués
de punto, d’interrogación u d’exclamación. Tamién as que siguen a
puntos suspensivos que tanquen enunciaus.
66