Libri Perimtaria

Qepa hynë në radhën e kulturave më të vjetra
që njeh njerëzimi. Përdorimi i saj në të
ushqyerit e njeriut ka një të kaluar mjaft të
largët. Atë e kanë kultivuar edhe popujt e
lashtë (grekët, egjyptasit etj). të cilët qepën
përveç që e kanë shfrytëzuar për ushqim e kanë
përdorur mjaft shumë edhe si bimë mjekuese.
Duke ju falënderuar qëndrueshmërisë
relativisht të mirë ndaj kushteve të ambientit të
jashtëm, qepa ka një areal mjaft të gjerë të
shtrirjes së sajë. Supozohet se origjina e
qepës është nga Azia e mesme. Në shumë
vende të botës qepa paraqet njërën nga kulturat
më të rëndësishme perimore.
Në Kosovë, si për nga sipërfaqet që zënë
ashtu edhe për nga niveli i përdorimit në
ushqim, qepa bën pjesë në grupin e kulturave
më të rëndësishme perimore. Kultivohet në
sipërfaqe rreth 2000 ha
Përdorimi
Duke ju falënderuar vlerës së lartë
ushqyese, qepa ka një përdorim mjaft të
gjerë në të ushqyerit e njeriut. Për
ushqim përdoret në forma të ndryshme.
Tek ne të rralla janë gjellërat pa
pjesëmarrje të qepës. Përveç kësaj qepa
është mjaft e rëndësishme edhe nga fakti
që ajo si kulturë del herët në pranverë,
kur asortimenti i të ushqyerit me perime
është mjaft I varfër.
Përveç vlerës ushqyese, qepa ka vlerë
mjaft të lartë shëruese.
Kërkesat e qepës ndaj
kushteve të ambientit të
jashtëm
Kërkesat ndaj Temperaturës
Kërkesat e bimës së qepës ndaj
temperaturës dallojnë varësisht nga fazat
e rritjes dhe zhvillimit të saj. Në
përgjithësi mund të thuhet se bima e
qepës ka kërkesa të vogla ndaj
temperaturës. Gjithashtu qepa mjaft
shumë mirë i përballon dallimeve të
temperaturave në një kufi mjaft të gjerë.
44