Libri Perimtaria

cucurbitaceae etj. Punimi i tokës fillon në
vjeshtë, me punimin themelor të tokës
me ç’rast nuk hedhet plehu i stallës për
arsye se në rast të përdorimit të plehut të
stallës prodhohen qepujkat të cilat ruhen
me vështirësi gjate dimrit, andaj
plehërimi me pleh stalle duhet bërë tek
parakultura.
Në tokat mesatarisht të pasura me
materie ushqyese, vlerat orientuese të
plehrave minerale në formë të materieve
aktive mund të jenë: 60 – 80 kg N, 50 –
60 kg P2O5 dhe 80 – 100 K2O/ha. Është
me rëndësi që gjatë plehërimit të
favorizohet formimi i qepujkave
relativisht të vogla dhe me përmbajtje sa
më të lartë të lëndës së thatë.
Mbjellja e farës duhet bërë sa më heret
që të jetë e mundur në pranverë (duke
filluar nga fillimi i marsit). Çdo vonesë
në mbjellje reflektohet negativisht në
rendimentin e qepujkave. Mbjellja e farës
bëhet në rende në distancë 10 – 15 cm.
Pas çdo 5 - 10 rendeve lihet një distancë
e zbrazët rreth 50 cm, me qëllim që
bimëve t'ju shërbehet më lehtë. Nëse
mbjellja e farës është e rrallë fitohen
qepujka të mëdha. Çka nuk është e
preferuar për qepujkat të cilat përdoren si
materie reproduktuese. Gjithashtu edhe
distancat e vogla ( me ç’rast arrihen
qepujka me diametër më të vogël se 1
[cm] ) nuk është e preferuar.
Thellësia e mbjelljes gjithashtu ndikon
në formën e qepujkave nëse fara mbillet
në thellësi më të madhe fitohen qepujka
me formë të zgjatur. Në toka më të rënda
fara mbillet në thellësi 1 – 1.5 [cm]
ndërkaq në tokat e lehta afër 2 [cm].
Duhet patur kujdes që të sigurojmë aso
distance e cila do të mundësonte që
përqindja më e madhe e qepujkave të
ketë madhësinë 1 – 1.5 [cm] e cila
madhësi ( diametri) është mjaft e
preferuar për qepujkat që shërbejnë si
materie reproduktuese.
Gjatë mbjelljes në mënyrë të mekanizuar
nevojiten rreth 80 – 100 kg farë/ha.
Mbjellja e dendur e farës mundëson që
qepujkat të piqen herët dhe të jenë të
madhësisë së preferuar, madhësi
( diametri ) 1,5 [cm] dhe peshë 1,5 – 2,5
[gr].
49