Libri Perimtaria

Prodhimtaria e qepës përmes fidanit
Kjo mënyrë e prodhimtarisë së qepës
para se gjithash ka për qëllim sigurimin e
qepëve të njoma për konsum në pranverë.
Kjo mënyrë e kultivimit të qepës është e
lokalizuar kryesisht në afërsi të qyteteve
të mëdha. Në Kosovaë kjo mënyrë e
prodhimtarisë së qepës është fare pak e
njohur. Për këtë lloj të prodhimtarisë fara
mbillet më lehtë. Të cilat përkatiten për
këtë qëllim dhe të cilat plehrohen me
sasira të konsiderueshme të plehut
organic të dekompozuar. Mbjellja e farës
bëhet në pjesën e dytë të muajit gusht për
1 [m2] të lehes përdorën 8 – 10 [gr] farë.
Ndërrimi i fidanëve në fushë bëhet gjatë
muajve tetor – nëntor. Përgatitjes së
tokës duhet kushtuar kujdes në mënyrë
që gjatë dimrit ato të jene sa më të
kullueshme ( të kenë lëshueshmëri të
mirë të ujit ).
Ndërrimi i fidanëve në fushë bëhet në
distancë të njëjtë sikurse mbjellja e
qepujkave ( 20 x 15, 15 x 10 [cm] etj. ).
Qepët e këtilla të njoma për konsum në
kushtet tona arrijnë nën ë pjesën e dytë të
muajit prill.
Mbjellja vjeshtore e qepës
Në disa rajone të Kosovës është e njohur
edhe mbjellja vjeshtore e qepujkave e
cila bëhet nga mesi i tetorit. Mbjellja
vjeshtore është e rëndësishme sidomos
për
prodhimin e qepëve të reja të gjelbërta të
cilat shfrytëzohen herët në pranverë
kur asortimani i perimeve është mjaft i
varfër. Për këtë formë të kultivimit
përgatitja e tokës fillon menjëherë pas
largimit të parakulturës.
Kjo mënyrë i ka disa të meta të cilat
manifestohen para se gjithash në
kualitetin e bulbit. Tek qepët e këtilla në
pranverë në masë mjaft të madhe
paraqiten kërcejtë lulor, qepët e këtilla
më vështirë ruhen për një kohë të gjatë.
56