Libri Perimtaria

Karota
Për ushqim përdoren frytrrënjorët e
karotës të cilët mund të kenë ngjyrë,
formë dhe madhësi të ndryshme varësisht
nga kultivari dhe kushtet e kultivimit.
Përndryshe karota bën pjesë në llojet
më të rëndësishme të perimeve. Ka veti
ushqyese dhe shëruese. Është burimi
më i pasur i Beta carotenit, nga e cila
organizmi sintetizon vitaminen A, e cila
ka rëndësi të shumëfisht për organizmin
e njeriut. Ajo ka përdorim mjaft të gjerë
në të ushqyerit e njeriut qoftë në gjendje
të freskët apo të përpunuar.
Karota mund të ruhet për një
kohë të gjatë. Së bashku me
faktin se ajo mund të kultivohet
edhe në lartësi mjaft të mëdha
mbidetare (mbi 2000 m), e bën
këtë bimë mjaft të rëndësishme
dhe mjaft të përhapur.
Kërkesat e karotës ndaj kushteve të
mjedisit
Temperatura
Karota njihet si bimë me kërkesa
mesatare ndaj temperaturës. Ajo fillon të
mbijë në temperature 3 – 5 0 C, ndërsa
temperatura optimale e mbirjes është
rreth 20 0 C.Pas mbirjes mund të
përballojë temperaturat deri në -5 0 C.
Temperatura optimale për rritje dhe
zhvillim të organeve vegjetative është
18 deri në 22 0 C, ndërkaq për fazën e
lulëzimit temperatura optimale është
rreth 25 0 C.
Temperatuat e larta sidomos nëse ato
janë të shoqëruara me mungesë të
lagështisë kanë ndikim mjaft negativ në
formimin e frytrrënjorëve tek karota.
Frytrrënjori merr ngjyrën më të mirë
nëse temperatura sillet në kufijt 18 – 21 0
C.
Lagështia
Ujitja me kohë dhe me sasi të
mjaftueshme është kusht shumë i
rëndësishëm në prodhimin e karotës.
Ujitja joprofesionale dhe e tepruar
ndikon në çarjen e rrënjëve dhe kështu
humbet vlera ushqyese, përpunuese
dhe tregtare e karotës (p.sh, kur nuk
86