Raddþjálfun einstaklinga með parkinsonsveiki: Mat á ... - Skemman

sérfræðimannafla, búsetu og atvinnu. Flestar rannsóknir á LSVT ® hafa verið gerðar af þeim sem
þróuðu meðferðina og eru þær yfirleitt framkvæmdar á meðferðarstöðvum sem eru tengdar
bandarískum háskólum. Hægt er að setja spurningamerki við yfirfærslugildi slíkra rannsókna á
meðferð sem sett er fram í öðru starfsumhverfi (Rothwell, 2006). Auk þess sem rannsóknaraðilar hafa
hagsmuna að gæta þar sem LSVT ® er orðið vörumerki, mikil markaðssetning er í kringum það og þeir
sem hafa rannsakað meðferðina mest hafa beinan fjárhagslegan ágóða af því að rannsóknir þeirra
sýni fram á árangur. Þess vegna er mikilvægt að endurtaka þessar rannsóknir af fleiri aðilum en
höfundum meðferðarinnar til að þetta geti kallast gagnreynd meðferð (Bernstein Ratner, 2005; Horner
o.fl., 2005). Rannsóknir á LSVT ® hafa sýnt fram á árangur en ekki er víst að sami árangur náist í
meðferðinni ef meðferðarforminu er breytt. Könnun Elísabetar Arnardóttur (2001, janúar) sýndi að þétt
raddþjálfun í hópi sem veitt var einstaklingum sem voru inniliggjandi skilaði árangri. Hugsanlegt er að
þeir einstaklingar sem eru í meðferð við sínum sjúkdómi sex til átta tíma á dag séu uppteknari af
sjúkdómi sínum, hljóti meiri fræðslu og fái jafnvel meiri áminningu frá umhverfinu en þeir sem ekki eru
inniliggjandi á endurhæfingarstofnun. Niðurstöður Elísabetar Arnardóttur eru hvatning til að skoða
betur áhrif raddþjálfunar á einstaklinga með parkinsonsveiki sem veitt er í hópi en við aðrar aðstæður.
31