Raddþjálfun einstaklinga með parkinsonsveiki: Mat á ... - Skemman

að meðaltali 1,20 fyrir sjálfsprottið tal sem eru mikil áhrif en þar sem þær rannsóknir eru hóprannsóknir
er ekki sama aðferð notuð til að reikna áhrifastærðina og ekki hægt að bera þær beint saman.
5.2 Sjálfsmat
Þriðja rannsóknarspurningin var hvort einstaklingurinn fyndi fyrir breytingum á rödd sinni eftir
raddþjálfun. Enginn marktækur munur var á sjálfsmati þátttakenda á rödd og raddgæðum fyrir og eftir
þjálfun. Það bendir til þess að þátttakendur hafi sjálfir ekki upplifað breytingar á rödd sinni og ekki
fundist þær breytingar sem urðu á raddstyrk og tíðnisviði hafa áhrif á lífsgæði sín. Samkvæmt VHI var
raddvandi NA miðlungs fyrir og eftir þjálfun, raddvandi AI lítill fyrir og eftir þjálfun og raddvandi EÓ
enginn fyrir og eftir þjálfun.
Það flækir túlkun á niðurstöðum að fyrir þjálfun var EÓ með heildarskor 0 sem þýðir að áður en
þjálfun hófst taldi hún raddvanda sinn engan og að hann hefði engin áhrif á lífsgæði sín. Það segir sig
sjálft að ekki er hægt að fá marktækan mun ef heildarskor er 0 fyrir þjálfun. Það var þó mat þriggja
talmeinafræðinga að hún væri með væga taltruflun. Þetta mat EÓ gæti tengst skerðingu á skynjun á
eigin raddstyrk sem er vel þekkt meðal einstaklinga með parkinsonsveiki. Í samtali við maka EÓ kom
fram að hann hefði hvatt hana eindregið til að skrá sig á námskeiðið því honum fannst orðið erfitt að
heyra í henni. EÓ var sjálf hins vegar ómeðvituð um raddvanda sinn fyrir þjálfun.
Spurningar vöknuðu hjá rannsakanda í rannsóknarferlinu hversu góður VHI listinn væri til að meta
raddvanda einstaklinga með parkinsonsveiki. Þó þessi listi sé notaður af meðferðaraðilum og
rannsakendum til að meta áhrif þjálfunar á raddvanda einstaklinga með parkinsonsveiki var enginn
einstaklingur með parkinsonsveiki í stöðlunarúrtakinu. Ein ástæða þess að þessi listi hentar
hugsanlega ekki fyrir þennan hóp er að áður en þjálfun hefst eru margir ómeðvitaðir um eigin
raddvanda, meðal annars vegna skertrar skynjunar á eigin raddstyrk. Hluti af þjálfuninni snýst um að
gera skjólstæðingum ljóst að þeir eigi við raddvanda að stríða og að þeir verði að nota meiri raddstyrk
en þeim finnst þeir þurfa að nota. Þar af leiðandi er hægt að ímynda sér að í kjölfar meðferðar gætu
þeir verið orðnir meðvitaðri um raddvanda sinn og það gæti haft áhrif á heildarskorið. Þetta gerðist þó
ekki í þessari rannsókn og að mér vitandi hafa engar rannsóknir skoðað þetta.
Niðurstöður þessarar rannsóknar eru að nokkru leyti í samræmi við aðrar rannsóknir þar sem VHI
hefur verið notað til að meta áhrif LSVT ® (El Sharkawi o.fl., 2002; Spielman o.fl., 2011; Spielman o.fl.,
2007). Í þeim rannsóknum hefur hópmeðaltal fyrir heildarskor á VHI lækkað en lækkunin ekki verið
marktæk.
5.3 Mat á raddgæðum
Fjórða rannsóknarspurningin var hvort aðrir þættir, svo sem raddgæði væru metin marktækt betri eftir
þjálfun. Í þessum hluta rannsóknarinnar voru matsmenn nokkuð samkvæmir sjálfum sér en
Kappastuðull sem notaður var til að finna samkvæmni milli matsmanna var 0,41 og áreiðanleiki
mælingarinnar því lítill. Erfitt er að segja til um hvers vegna samkvæmni matsmanna var svona lítil en
lítill áreiðanleiki er vel þekkt vandamál þegar aðferðir sem byggja á heyrnrænni skynjun eru notaðar. Í
þessari rannsókn var reynt að hafa stjórn á breytum sem hafa áhrif á áreiðanleika með því að velja
59