Raddþjálfun einstaklinga með parkinsonsveiki: Mat á ... - Skemman

tal. Þátttakendur þurfa enn fremur að sýna áhuga og vilja til að mæta í íhlutun og taka
virkan þátt í meðferðinni.
Þátttakendur verða þrír og mun rannsóknin taka þrjá mánuði. Rannsóknin hefst viku
áður en raddþjálfunin hefst með grunnlínumælingum og lýkur um mánuði eftir
raddþjálfunina með eftirfylgdarmælingum. Það verða gerðar 12 mælingar á raddstyrk á
rannsóknartímabilinu og er áætlað að hver mæling taki um 15-30 mínútur. Til að halda
ferðakostnaði og umstangi þátttakenda í lágmarki verður boðið upp á að þessar
mælingar fari fram á heimilum þátttakenda. Einnig verða matslistar lagðir fyrir áður og
eftir að námskeið hefst og tekur útfylling þeirra um 20-30 mínútur. Matslistar sem
lagðir verða fyrir verða hvorki auðkenndir með nafni né kennitölu. Notað verður
sérstakt númer sem ekki er hægt að rekja til þáttakenda.
Allar upplýsingar sem þátttakendur veita í rannsókninni verða meðhöndlaðar
samkvæmt ströngustu reglum um trúnað og nafnleynd og farið að íslenskum lögum
varðandi persónuvernd, vinnslu og eyðingu frumgagna. Rannsóknargögn verða
varðveitt á öruggum stað hjá rannsakendum á meðan á rannsókn stendur og öllum
gögnum verður eytt að rannsókn lokinni.
Engin áhætta fylgir rannsókninni og reynt verður að minnka ferðakostnað og umstang
þátttakenda eins og kostur er á. Með rannsókninni standa vonir til þess að unnt verði
að bæta skilning og auka þekkingu á gagnreyndum meðferðarleiðum við raddvanda
íslenskra einstaklinga með parkinsonveiki.
Niðurstöður rannsóknarinnar munu birtast í meistaraverkefni Hildigunnar
Kristinsdóttur en allar upplýsingar verða ópersónugreinanlegar. Rannsóknin er unnin
með samþykki Vísindasiðanefndar og tilkynning hefur verið send til Persónuverndar.
Ef þú hefur spurningar um rétt þinn sem þátttakandi í vísindarannsókn eða vilt hætta
þátttöku í rannsókninni getur þú snúið þér til Vísindasiðanefndar, Hafnarhúsinu,
Tryggvagötu 17, 101 Reykjavík. Sími: 551-7100, fax: 551-1444, tölvupóstfang:
visindasidanefnd@vsn.stjr.is.
Með von um góðar undirtektir,
_____________________________ _____________________________
Þórunn Hanna Halldórsdóttir Hildigunnur Kristinsdóttir
585-2000 866-9110
76