Raddþjálfun einstaklinga með parkinsonsveiki: Mat á ... - Skemman

fylgiskjal 5) og gerð var upptaka af tali þátttakenda. VHI var lagt fyrir þátttakendur af meðferðaraðilum í
fyrsta tíma námskeiðsins sem þátttakendur fylltu sjálfir út án aðstoðar.
3.5.1.2 Íhlutunarmælingar
Í þriðju og sjöttu viku námskeiðsins var ein mæling á raddstyrk og tíðnisviði í hvorri viku.
3.5.1.3 Eftirmælingar
Í vikunni eftir að námskeiðinu lauk voru gerðar þrjár eftirmælingar á raddstyrk og tíðnisviði, tvær
mælingar á fingrafimi, upptaka var gerð af tali þátttakenda og spurningalisti um heimaæfingar var
lagður fyrir. VHI var lagt fyrir þátttakendur af meðferðaraðilum í síðasta tíma námskeiðsins.
3.5.1.4 Viðhaldsmælingar
Einum mánuði eftir að námskeiðinu lauk voru gerðar þrjár viðhaldsmælingar á raddstyrk og tíðnisviði,
tvær mælingar á fingrafimi, upptaka var gerð af tali þátttakenda og spurningalisti um heimaæfingar var
lagður fyrir.
3.5.2 Mælingar á raddstyrk og tíðnisviði
Við mælingar á raddstyrk fengu þátttakendur alltaf sömu munnlegu fyrirmælin (sjá fylgiskjal 6).
Umhverfishávaða var haldið í lágmarki meðan mælingar fóru fram. Til að meta hvort umhverfishávaði
væri truflandi var notast við forritið LSVT ® companion, fylgst var með af skjámynd hvort forritið næmi
umhverfishávaða (það er ef hann væri ≥ 60 dB). Ef það sýndi enga svörun frá umhverfi hófust
mælingar. Til að mæla raddstyrk og tíðnisvið voru lagðar fyrir fjórar tegundir af verkefnum: 1) langt /a/
(6 mælingar), 2) upplestur (1 mæling), 3) sjálfsprottið tal (1 mæling) og 4) sjálfsprottið tal með tvískiptri
athygli (1 mæling). Í upplestrinum var alltaf sami texti notaður, Sólarkaffi, (sjá fylgiskjal 7). Til að fá
fram sjálfsprottið tal án truflana var alltaf spurt um það sama og mælingin stóð yfir í 60 sekúndur. Til
að fá sjálfsprottið tal með tvískiptri athygli hélt þátttakandinn á stórum múrbolta með ró og snéri rónni
fram og tilbaka á meðan hann sagði frá. Í þessu verkefni voru fjórar spurningar notaðar til skiptis og
mælingin stóð yfir í 60 sekúndur. Tilgangurinn með þessu verkefni var að reyna að líkja eftir daglegum
aðstæðum þar sem áreiti eru allt í kring og athygli truflast auðveldlega. Til að mæla tíðnisvið voru tvær
tegundir verkefna: 1) renna rödd upp á hæsta tón (3 mælingar), 2) renna rödd niður á lægsta tón (3
mælingar). Hljóðneminn var alltaf í 50 cm fjarlægð frá munni þátttakenda og var það mælt fyrir hvert
verkefni með málbandi. Einnig var passað að hljóðneminn sneri alltaf í áttina að munninum.
Tölvuskjárinn sem sýnir upplýsingar um raddstyrk sneri frá þátttakendum þannig að þeir fengu engar
upplýsingar um raddstyrk sinn meðan mælingar fóru fram.
3.5.3 Mælingar á fingrafimi
Fingrafimiprófið The Purdue Pegboard Test var lagt fyrir. Þátttakendur fengu 30 sekúndur til að setja
eins marga stálpinna og þeir gátu í holur. Byrjað var á ríkjandi hendi, síðan víkjandi hendi og loks
báðum höndum samtímis. Samsetning var ekki prófuð. Þátttakendur gerðu þrjár endurtekningar í hvert
sinn þannig að þrjár mælingar voru á hægri hendi, þrjár á vinstri og þrjár fyrir báðar hendur saman í
hvert skipti. Munnlegu fyrirmælin voru alltaf þau sömu (sjá fylgiskjal 8).
39