Raddþjálfun einstaklinga með parkinsonsveiki: Mat á ... - Skemman

saman við grunnlínuna og ef tvær mælingar í röð voru fyrir ofan eða neðan staðalfráviksborðana
taldist munurinn marktækur. Töflureikniforritið Microsoft Excel 2007 var notað til að búa til
einliðasniðsmyndir og við tölfræðiúrvinnslu.
Tafla 4. Grunnlínumælingar
Verkefni Fjöldi grunnlínumælinga*
Löng röddun 3x6
Upplestur 3x1
Sjálfsprottið tal 3x1
Sjálfsprottið tal með tvískiptri athygli 3x1
Hátt /a/ 3x3
Lágt /a/ 3x3
*Fjöldi mælinga á grunnlínuskeiði x fjöldi mælinga í hvert skipti
Áhrifastærð var einnig fundin. Hægt er að nota Cohen‘s d til að finna áhrifastærð í hóprannsóknum
en þá aðferð er ekki hægt að nota til að finna áhrifastærð í einliðasniðsrannsóknum. Til að reikna
áhrifastærð var aðferð Busk og Serlin (1992) notuð sem Beeson og Robey (2006) mæltu með. Busk
og Serlin (1992) reiknuðu afbrigði af Cohen‘s d svona d1 = ( x A 2 - x A 1) / SA 1. Í þessari jöfnu er x A 2
meðaltal eftirmælinga eða viðhaldsmælinga, x A1 meðaltal grunnlínumælinga og SA1 staðalfrávik
grunnlínumælinga. Áhrifastærð segir til um hversu miklar breytingar verða á eftirmælingum og
viðhaldsmælingum frá grunnlínumælingum (Beeson og Robey, 2006) og hvort niðurstöður séu nógu
mikilvægar til að breyta aðferðum í klínísku starfi (Dollaghan, 2007). Túlkun áhrifastærðar er flókin. Í
rannsóknum á áhrifum þjálfunar á málstol er miðað við að áhrif séu lítil ef áhrifastærð er 2,6, miðlungs
ef hún er 3,9 og mikil ef hún er 5,8 (Beeson og Robey, 2006).
Til að vinna úr gögnum um fingrafimi var samanlagður fjöldi pinna sem settir voru í með hægri,
vinstri og báðum höndum reiknaður. Þar sem tvær mælingar voru gerðar á fingrafimi í
grunnlínumælingum, eftirmælingum og viðhaldsmælingum var meðaltal og staðalfrávik fyrir hvert skeið
fundið og niðurstöður bornar saman við meðaltöl og staðalfrávik jafnaldra sem fengin voru úr rannsókn
Desrosiers, Hébert, Bravo og Dutil (1995).
Til að skoða hvort marktækur munur væri á mati á raddgæðum voru tilgátur um hlutföll prófaðar
með forritinu chisq.test í R tölfræðihugbúnaðinum (R Developmental Core Team, 2012). P-gildi voru í
sumum tilvikum reiknuð með hermun því mælingar voru of fáar fyrir hefðbundið kí-kvaðrat próf.
Núlltilgátan var að tengsl væru ekki á milli tímasetningar talsýnis og mats á raddgæðum. Aðaltilgátan
var að tengsl væru á milli tímasetningar talsýnis og mats á raddgæðum. Þar sem mælingar voru fáar
var dálknum eins sleppt við tölfræðiúrvinnslu og aðeins skoðað hvort marktækur munur væri á fyrir og
eftir upptökum, fyrir og viðhalds upptökum og eftir og viðhalds upptökum.
Til að finna áreiðanleika matsmanna var samkvæmni á milli matsmanna (e. inter-rater agreement)
og hversu samkvæmir matsmenn voru sjálfum sér (e. intra-rater agreement) reiknað. Til að finna
samkvæmni milli matsmanna var Kappastuðull reiknaður með tölfræðiforritinu SPSS 17.0 og til að
41