Leve Lesers - Quickborn. Vereinigung für niederdeutsche Sprache ...

BOLKO BULLERDIEK
Op Besöök
32
Bevensen, 18.-20. Sept. 2009:
de 62. Dagfohrt
Jümmer an’t drütte Wekenenn, denn kaamt de plattdüütschen
Schrieverslüüd un de an plattdüütsche Literatur
Interesseerten tohoop: leest vör, höört to, snackt mitenanner,
stried mitenanner, seht Theoter, fiert en Priesdräger(sch)
un freit sick, dat’ de Bevensen-Dagfohrt gifft.
Kloor, de een oder anner fraagt bedröövt, worüm de nich
dor sünd, de he doch anners faken drapen hett, ton Bispill
de dree Bremer Mannslüüd, de meist so’n beten för sick
ween sünd un doch to dat Urgesteen von Bevensen höört,
oder de Schriever X un de Schrieversch Y. Sünd woll wat
öller worrn un nich mehr so kregel. Oder de Lüüd von de
Wetenschop? Un de von’t Bremer Institut?
Wi hebbt de vermisst. Man wi hebbt uns ok bannig freit:
doröver, dat mehr Lüüd dor ween sünd as letzt Johr; dat en
Reeg Lüüd dor weern, de in de plattdüütsche Szene en wichtige
Rull speelt; sünnerlich over doröver, dat de Dagfohrt
heiter un eernsthaftig weer, dat man sick um de Literatur
streden un sick as Minsch allerbest verstohn hett (Wo gifft’
dat anners noch in de plattdüütsche Welt?).
Also för de, de nich dor ween sünd: ji hebbt wat verpasst.
De Dagfohrt hett an’n Morgen in de Footgängerzone anfungen
mit Akkordeonmusik, korte Lesungen un dat Verdelen
von Fleger (neudeutsch:Flyer). Dat hett twoors nich
de Massen to uns brocht, man doch weern erstmools en Reeg
Kurgäst oder Börger ut Bevensen bi uns Veranstaltungen.
Heidrun Schlieker hett in de Grundschool ut ehr Kinnerböker
lest.
Klock dree hett uns Vörsitter bi fein Sommerwäer de Gäst
begrött. Denn hett Detlef Wutschik mit sien Popp „Herr
Momsen“ üns allerbest ünnerholen. Verwunnerlich, woans
he dat Mitenanner von Herr un Popp düütlich mookt un de
Tokieker foors wedder in de Illusion trüchfallt, dat disse
Popp sülfst snackt. Wunnerbor präzise de Stimm, de Gestik,
de Bewegungen.
22472Quickborn4-09-1.Korr. 32
15.12.2009, 10:06 Uhr