Leve Lesers - Quickborn. Vereinigung für niederdeutsche Sprache ...

Rundschau
Hilmser Wöörbook
Köttens is dat Wöörbook „Hildesheimer
Platt“ bi’n Cuvillier-Verlag rutkamen.
De Autor is Klaus Freise. In dree
Johr hett he üm un bi 4000 Stichwöör
sammelt. Dorto gifft dat Wöörlisten na
Themen sorteert, Konjugationstabellen
un en poor lütte Vertellen in’t Hilmser
Platt. cuvillier.de / hjm
Platt in Höxter un Paderborn
Dat Plattdüütsch in de Kreise Höxter
un Paderborn schall dokumenteert
warrn. Alltohoop 60 Lü arbeidt bi düt
Projekt ehrenamtlich mit. Betto hebbt
se 35 Plattsnackers funnen, man dor
warrt noch Gewährslü för Plattdüütsch
söcht. nw-news.de / hjm
Wibbelt-Liäseaomde
Wibbelt-Liäseaomde in Mönster giff et
an’n 7.1., 4.2. un 4.3.2010, allemaol an’n
Dunnerdag, Klock 19.30 in’t Krameramtshuus,
Alter Steinweg (Ingang
Kirchherrngasse). muenster.org /hjm
Vermaak an Mölmsch Platt
Mölmsch, dat Platt vun Mülheim
(Ruhr), is meist utstorven. Liekers gifft
98
dat groten Vermaak an en Kurs vun de
Volkshoogschool, wo de Lü „Mölmsch
kalle“ lehrt. Sogor en Rehg junge
Minschen ünner dörtig Johr sünd mit
bi. derwesten.de / hjm
Wöör sammelt
Hans Tervooren ut Kervenheim bi Kevelaer
an’n Nedderrhien is tachentig
Johr oold. Liekers is he jümmer noch
för Plattdüütsch fix op de Been. He
schrifft Texten op Platt un driggt jüm
vör, ok lütte Theaterstücken bringt he
to Papier. Nu hett he Wöör sammelt,
dat se nich utstarven doot, as „t’hüss“
(tohuus), Frekas (Spitzboov), „Ärpelschloot“
(Ketüffelsalaat).
rp-online.de / hjm
Wasserberger Platt
Plattdüütsch in de Stadt Wasserberg bi
Erkelenz hett en Naam: Karl Liek. He
hett plattdüütsche Utdrück sammelt un
as Book rutgäven: „Wasserberger
Mundart“. Ut sien Fedder stammt al
dree Beuker mit plattdüütsche Vertellen
un een CD mit Leder. Un in’n Heimatvereen
vun Wasserberg kann’n sik
dat faken anhören.
rp-online.de / hjm
22472Quickborn4-09-1.Korr. 98
15.12.2009, 10:07 Uhr