Leve Lesers - Quickborn. Vereinigung für niederdeutsche Sprache ...

Elkeen Johr warrt in Hamborg un Sleswig-Holsteen
Regiekursen anboden,
wonehm man’n Barg lehrn kann.
Woso geiht dor nich mal een hen?
Een Komedi weer dat Stück an’t Enn
nich mehr, as dat in dat Heft stünn, dat
weer eher ne Klamotte.
Aver wat sä mien Naver, de mal de
Schauspeelschool besöcht hett – „Dat
Bühnenbild weer goot“. (gekürzt)
Een Kur för twee, Komedi in 3 Akten
vun Helmut Schmidt, an’n 22. Oktober
speelt von de Hüsung vun 1911 in’t
Hamborg Huus, HH-Eimsbüttel.
Joachim Grabbe
Een Froo
mutt her!
De Fitzbeker spelen de Komedi in dree
Akten vun Eva Hatzelmann.
Schaad, heff ik mi dacht, as ik dat Programm
lesen dä, dor mutt wahrraftig
en Deern de Rull vun en Kierl spelen;
sünd woll nich noog Mannslüüd in de
Bühn. Doch Gabi Diekmann hett dat
goot makt un hett mit ehr Speel de annern
twee Kierls noch in de Dasch steken.
Wat mi aver gor nich fullen hett, weer
de Regie. Dor weer keen Bewegen op
de Breder. Meist stünnen de Speler op
en Placken un levern den Text af. Dat
Möbelmang weer ok nich dat, wat man
för dat Stück harr bruken kunnt. Wenn
de Spelers achtern op dat Sofa sitten
dään, kunn man meist de Köpp nich
mehr sehn – so hoch weer de Disch. Ik
Rezensionen – Theater
meen, dor mutt de Speelbaas ’n Oog op
hebben.
Ik heff mi later denn mal künnig makt,
wat de Vereen ok in den Sleswig Holsteenischen
Verband weer un süh dor,
dat weern se.
Nu fraag ik mi, woso sik de Lüüd nich
bi de Kursen künnig makt un dat ok in
den egen Vereen ümsett. An de Kass
warrt ja ok Geld verlangt un för den
Pries heff ik in Sleswig Holsteen al veel
beter Theoter sehn.
To’n Glück steiht op dat Programm
„Theoterclub“ un nich „Amateurtheoter“,
düssen Naam hebbt se ok noch
nich verdeent. Theoterspelers, de in dat
Publikum winken doot un in de Paus
blangen de Tokiekers rumloopt un
fraagt: „Weer ik nich goot?“, de sünd
nich beter as so’n Laienspeelgrupp
vun’n Füürwehrvereen.
De Tokiekers hebbt sik twors höögt,
aver se warrt sik noch mehr högen,
wenn dat Speel op de Bühn noch wat
flotter warrt.
„Een Froo mutt her“, Komedi vun Eva
Hatzelmann, an’n 8. Okt. 2009 speelt
vun den Fitzbeker Theaterclub in dat
Cafe Sievers in Wrist. De Rechte för dat
Stück liggt bi den V.V.B. Verlag in Norderstedt
Joachim Grabbe
Agathe
un ik
„Manche mögens heiß“ und „Ödipuissi“
lassen grüßen: Die Niederdeutsche
Bühne Geesthacht brachte „Agathe un
22472Quickborn4-09-1.Korr. 79
15.12.2009, 10:07 Uhr
79