Leve Lesers - Quickborn. Vereinigung für niederdeutsche Sprache ...

Rundschau
seum Kiekebarg in’n Landkreis Horborg
hebbt se nu anfungen, mit düsse
Boosteens to arbeiden. In‘n Janewor
wörrn all Kinnergorns un Scholen anschräven,
dorto de Gemeenden un Verene.
Mellt hebbt sik 60 Optreckers un
Schoolmeisters. Dat güng loos mit söss
Kurse för 25 Lü, de in Kinnergorns arbeiden
doot. Teihn vun jüm, de all
Boosteens achter sik bröcht hebbt, kregen
en Zertifikat. Herbert Timm /
NettPlatt Neddersassen / hjm
Schoolmeisters meuken sik klook
In Neddersassen is dat Plicht, dat de
Deerns un Jungs in de Scholen ok wat
över Plattdüütsch to wäten kriegt. Dorto
hett de Schoolbehörd en Seminar ton
Wiederbillen in Platt inricht, dat för’n
7. bet ton 10. Dezember in Beers (Bad
Bederkesa) ansett weer. Vör all weern
Schoolmeisters vun Grundscholen inlaadt,
man vun anner Scholen wörr
nüms na Huus schickt.
Plattnet/ hjm
Saterfreesch-Schoolmeistersch uttekent
Bummelig 2500 Lü in’t Saterland (Kreis
Cloppenborg) snackt noch Saterfreesch.
In Ramsloh gifft Schoolmeistersch Johanna
Evers Kurse in düsse Spraak.
Op’n Lehrplaan steiht ok „Die litje
Prinz“ vun Antoine de Saint-Exupéry.
De Kölner Zeitung „Express“ hett ehr
in’n August to de „Fro vun’n Dag“
wählt. Express (Köln) / hjm
Schooltheaterfestival in Bad Bevensen
An’n 2. Juli leep in de Fritz-Reuter-
School vun Bad Bevensen dat 2. plattdüütsche
Schooltheaterfestival af.
„Hüüd ward bloots platt snackt“, heet
90
dat bi’t Begreuten. Mitmaakt hebbt 350
Deerns un Jungs ut twintig Gruppen,
verdeelt över’n helen Ooldbezirk
Lüünborg. 25 lütte Bidrääg wörrn opfeuhrt.
Dat Leit harr de Plattdüütsch-
Arbeidskrink in’n Landschopsverband
Lüünborg. Ton Afsluss geev dat Orkunnen
un lütte Geschenke för de Gruppen.
lueneland.de / hjm
Schoolmeisterdag in Bleckede
Üm Plattdüütsch in’n Ünnerricht güng
dat op’n 8. Schoolmeisterdag vun’n
Ooldbezirk Lüünborg an’n 17. September
in’t Slott vun Bleckede. Dat geev
Tipps för Schoolmeisters, de mehr över
Plattdüütsch wäten wullen, Plattdüütsch
as Deel vun’n Düütschünnerricht,
Arbeiden mit dat Lääs- un
Spraakbook „Doppel-Klick“ un neje
Vertellen, Spälen, Leder op Platt för de
Grundscholen („Wenn de Pogg op
Plattdüütsch quarkt“).
lueneland.de / hjm
Plattdüütsch in de Fachschool
In’n Düütschünnerricht bi’n 13. Johrgang
vun’t Soltauer Fachgymnasium
Weertschop hett in’n November Pastor
Heinrich Kröger de plattdüütsche
Spraak vörstellt, vör all de Geschichte
vun Spraak un Literatur. An’n Anfang
harrn de Schölers dat orig swor, Kröger
to verstahn, man mit de Tied wörr
dat bäter. Kröger vertell ok lütte Geschichten
ut sien Läven un kunn klormaken,
wat för’n Bedüden Plattdüütsch
hett. He bröch ok wat ut de
plattdüütsche Bibel un vun Bellmann
sien „Lüttjepütt“. De Schölers bleven
bet an’t Enn gespannt, weck hebbt sogor
versöcht, up Platt to läsen.
Lutz Tobias (Soltau) / hjm
22472Quickborn4-09-1.Korr. 90
15.12.2009, 10:07 Uhr