Leve Lesers - Quickborn. Vereinigung für niederdeutsche Sprache ...

199. Gebortsdag, keem in Neebramborg
de Fritz-Reuter-Gesellschaft to en
Fierstunn tosamen. Dor güng dat ok
üm dat Reuter-Johr 2010. Von April an
gifft dat en ganze Rehg vun Veranstaltungen,
de gröttste is an’n 7. November
2010 in Basepohl bi Stavenhagen.
INS / hjm
Integrationskongress en Detmold
Dee Plautdietsch-Frind, woone tiehn
Joah oold jeworde sen, hade aum 10.
Novamba ehrem 3. Integrationskongress
enne Lipperland-Haul en Detmold.
En Dietschlaund leewe
tweehundaddusend Mansche, woone
Plautdietsch reede. See send to glieke
Tied Migrante on heea tus. On oppe
Joahsdoaginj aum Sinowend, dem 21.
Novamba, gauf daut een fe Mennonite
gaunz besondret Teema: Freed on
Weahlosichkjeit (Kriegsdienstverweigerung).
Plautdietsch-Freunde / hjm
SONSTIGES
Plattdüütsche Bookmess
An’n 7. un 8. November wörrn in Hamborg
de Dören för de twölfte plattdüütsche
Bookmess in’n Lichtwarksaal an
de Neanderstraat apenmaakt. 23 Verlage
ut heel Norddüütschland hebbt
Beuker un CDs ton Ankieken un Keupen
mitbröcht. Düt Johr sünd weniger
plattdüütsche Beuker neet op’n Markt
kamen as in de Johr tovör. De Verlage
sünd vörsichtiger worrn, denn in de
Krise hoolt väle Lü ehrn Duum op’n
Büdel. Een besünner Kamer stünn
ünner’t Thema „Plattdüütsch in de
Kark“, mit Bibeln, en ganze Rehg Nummern
vun „De Kennung“ un anners-
wat. Opträden is de Finkwarder Speeldeel,
lääst hebbt Anneliese Braasch,
Sandra Keck, Yared Dibaba, Hans-Peter
Hahn un Peter Körner, Joachim
Grabbe, Dirk Römmer, Walter Zelinski,
Hermann Bärthel, Helmut Vick. Un
nudat „Löö en Tieden“ vun Carl van
der Linde uttekent wörr, dreugen ok de
Rutgävers Helga Vorrink un Siegfried
Kessemeier un de Scheulers Lisa Lambers
un Jaron Boll vun de Carl-van-der-
Linde-School in Veldhusen wat vör.
NDR / Wi snackt platt / hjm
Op Platt dör de Boomschool
In Höltinghusen bi Cloppenborg in’t
Ollenborger Mönsterland kunnen sik de
Lü in’n September op Platt de Boomschool
verkloren laten. Un nich bloots
dat: Op de Schrifttafeln steiht nu allens
in Hoog- und Plattdüütsch schräven,
sünnerlich de Naams vun de Beum. Dat
weer en Projekt vun de „Plattdüütsch
Warkstäe Stapelfeld“, dat Leit harr Heinrich
Siefer. De Bio-Gorner Aloys Pöhler
meen, sodennig künnt ole un neje Kunnen
wieswarrn, wat för’n Bedüden Plattdüütsch
in’t Ollenborger Mönsterland
jümmer noch hett. INS / hjm
Debatte över Plattdüütsch
In’n September güng dat in’n Kieler
Landdag üm de plattdüütsche Spraak,
för de sünnerlich in Scholen un Kinnergorns
mehr daan warrn schall as betto.
Grund för de Debatte weer, dat na dat
Institut för nedderdüütsche Spraak sik
bloots noch een Föftel vun de Lü in
Sleswig-Holsteen op Platt ünnerholen
künnt. Man wat dor ton Besluten anstünn,
weer orig allgemeen holen. Un
so kunn ok de grote Mehrheit vun’n
Landdag tostimmen. Plattnet / hjm
22472Quickborn4-09-1.Korr. 95
15.12.2009, 10:07 Uhr
Rundschau
95