Leve Lesers - Quickborn. Vereinigung für niederdeutsche Sprache ...

in Berlin en Vördragskünstler weer.
Denn „Dat Stempelleed von 1929“,
översett von Gerd Brandt mit de Musik
von Hanns Eisler un dat Leed: „Bet’
un arbeit’ ruft die Welt / Bete kurz!
denn Zeit ist Geld / An die Türe pocht
die Not – / Bete kurz! denn Zeit ist Brot
/ … . (Bi de Quelle steiht hier: „Text:
Georg -“. Dor fehlt de Naam: Herwegh).
Den Afschluss mookt „Över de Kolken
weiht de Wind“, en Leed von Hannes
Flessner mit de Melodie von Gerd
Pundt. Disse Spegelschiev fangt mit en
ostfrees Moorleed an (Waar de Törf satt
in d’Grund, daar weer’n wi tohuus“)
un end’ mit en ostfrees Slaapleed: Over
de Kolken weiht de Wind / weiht van
See, over d’Diek / slaap man good
mien lüttje Kind / in d’ Slaap sünd all
Minsken gliek.
Düsse Spegelschiev bringt nich egentlich
nee’e Songs von Laway, man ünnerschedlich
Leder meist ut vergahn
Tieden, de sick Laway anverwannelt
hett. Toerst keem mi dat wat tofällig
vör. Man een schull de CD fakener hören,
denn kummt he dorop, wat allens
tosamen höllt: de Leev to de lütten
Lüüd, de sick afmarachet, de meist de
Zeche betahlen mööt un de doch jüst
as de annern ok lengt na Brood un Rosen.
Brood un Rosen, Laway (Petra Fuchs,
Gerd Brandt, Jörg Fröse, Thilo
Helfensteller, Keno Brandt), produziert
von Gerd Brandt und Friedrich Thein
2009 für ARTyCHOKE artist productions,
Kirchstraße 3a, 26452 Neustadtgödens,
Tel./Fax +49 4422 986 000.
Bolko Bullerdiek
Rezensionen – Spegelschieven (CD)
De anner
Steerns an d’
Heven
Toerst mutt mal seggt warrn, dat dit
keen CD is, de een so blangbi hören
kann. Nee, hier mutt man tohören könen
un ok en beten Roh dorbi hebben.
Otto Groote hett en starke Stimm, de
mi an’n Anfang infung. Aver wenn man
in veerteihn Leder jümmer de glieke
Stimm höört un ok de Rhythmus teemlich
de sülve blifft, dann warrt dat doch
en beten stuur, tominnst för mi.
Dat erste Leed, wat ok de Titel vun de
CD is, is för mi dat beste. En bannig
gode Text, un inföhlsam arrangeert.
Otto Groote hett sik mit de Texten bi
en Reeg von oostfreeske Dichters bedeent,
wat ja nich verboden is. Tomaal,
wenn he sik mit sien Musik dorin wedderfind.
Hilde-Frauke Wichmann, Berend de
Vries un Gertrud Cramer sünd op de
CD vertreden un Jan Cornelius, de
grootaartige Ledermaker ut’t Rheiderland
hett Jacques Brel in’t Plattdüütsche
överdragen. En heel starke Text över de
Arbeiders an de Kajen vun Amsterdam
un de Stimm vun Otto Groote passt
wunnerbor dorto.
Grote Probleme harr ik mit de Stücken,
in de Bert Ridderbos vun de Gruppe
„Törf“ mitspeelt. Gitarre, Zittern un
Akkordeon hett he bistüert. Nu weer
dat för mi nich mehr dat „Otto Groote
Ensemble“, nu höör ik blots noch
„Törf“, de Musikgruppe ut’t Groninger
22472Quickborn4-09-1.Korr. 73
15.12.2009, 10:07 Uhr
73