Leve Lesers - Quickborn. Vereinigung für niederdeutsche Sprache ...

Rezensionen – Böker
46
Augustin-
Wibbelt-
Johrbook
De mehrsten literarischern Gesellschopen
geevt en Johrbook rut. Nich jümmer
seggt wi dor wat to, ofschoonst dor
doch en Barg Arbeit in stickt. Meist leest
man blots dit un dat, föhlt sick dorüm
nich kompetent, över dat ganze Book
en Urdeel aftogeven. So geiht mi dat
dit mool ok, liekers will ick to dat Johrbook
24 (2008) von de Augustin-Wibbelt-Gesellschop
wat seggen.
Dat Johrbook hett fief Kategorien: Beiträge,
Miszellen und Berichte, Buchbesprechungen,
Bibliographie, Aus der
Gesellschaft.
Wat toerst opfallt is, dat all Bidräg op
Hochdüütsch schreven sünd. Platt is
woll Gegenstand von de Betrachtungen,
man nich mehr de Sprook, in de
man dat verhannelt. Dat mag man beduern
oder nich: jedenfalls is dat Situation
in Westfalen.
Bi de Bidräg ünnersöcht Elmar Schilling
de Rezeption von Münstersche
Geschichten, Sagen un Legenden an dat
Bispill von de „Heimonskinner“. Hermann
Niebaum schrifft över de fröhe
westfälische Dialektologie un Ludger
Kremer ünnersöcht Anschrievböker as
Tüügnisse för den Sprokenwessel in
dat 19. Johrhunnert von Plattdüütsch
no Hochdüütsch.
In dat tweete Kapitel erinnert Siegfried
Kessemeier an Heinrich Schürmann.
Schürmann hett mit sienen bildneri-
schen Kunstverstand un sien Leev to
de plattdüütsche Sprook nee’e Akzente
in de plattdüütsche Lyrik sett un sick
mit visuelle Lyrik en Naam mookt.
Wokeen in de lesten Johrn in Bevensen
weer, de hett em dor beleevt un sien
Energie bewunnert – ok wenn de
Schadden von sien Krankheit em al
footkregen harr.
Hans Demming hett de Laudatio för de
Grupp „Strauhspier“ holen, de den
Rottendorfpries 2008 kregen hett. De
Laudatio kann’n hier nolesen. Robert
Peters schrifft över en Utstellung in dat
Stadtmuseum Münster to dat Thema
„Plattdeutsch macht Geschichte . Niederdeutsche
Schriftlichkeit in Münster
und im Münsterland im Wandel der
Jahrhunderte“. Elmar Schilling rezenseert
ünner den Titel „Preußische
Disziplin gegen westfälische Gemütlichkeit“
de Nedderdüütsche Bühn
Münster, de dat Stück „Twillinge“ von
Anton Aulke speelt hett. Pamela König
un Jens Lanwer skizzeert en Forschungsprojekt
von de Universitäten
Bielefeld, Frankfurt/Oder, Hamborg,
Kiel, Münster un Potsdam. De Wetenschopler
wüllt rutfinnen, woans de
Lüüd in Norddüütschland snackt, of se
mit den een’n anners snackt as mit den
annern, wat sick plattdüütsche Elemente
in dat Hochdüütsche mengeleert
oder hochdüütsche in dat Platdüütsche.
Den gröttsten Indruck hett dat Kapitel
„Buchbesprechungen“ op mi mookt.
Gabriele Diekmann-Dröge hett dor den
Sammelband von Lesle un Goltz rezenseert.
Harr ick vörher (in Bevensen)
Verrisse hört un (in’n Quickborn) en
överschwänglich Loff leest, so hett Gabriele
Diekmann-Dröge hier präzise
22472Quickborn4-09-1.Korr. 46
15.12.2009, 10:06 Uhr