Leve Lesers - Quickborn. Vereinigung für niederdeutsche Sprache ...

Rezensionen – Spegelschieven (CD)
maracht hebbt. Dorto höört ok dat bittere
hochdüütsche Handwarkerleed
„Fordre niemand mein Schicksal zu hören“.
Denn en Loffleed op de Fründschop
„Wat moi is’t weer bi jo“(Original:
Good to See You)
Denn en ganz annern Tungenslag, en
Coouplet von de Wolf-Bröer: „Hannes,
zuckersüßer Hannes, du“. Man ok
wenn dat heel anners klingt, dat höört
doch to „Brood un Rosen“, wiest, dat
sick de lüttjen Lüüd ok Rosen plückt
hebbt, dat ehr Levenslust nich heel un
deel in den dagdääglichen Quälkraam
ünnergohn is.
Denn höört wi „Du hast Bataillone,
Schwadronen / Batterien, Maschinengewehr,/
du hast auch die größten Kanonen.
Mein Michel, was willst du
mehr?“ Dat is bitter satirisch. Nich satirisch,
man vull depe Truer: „Suldat
Janssen“, dat Leed över den 19jährigen
Jung, de negenteihnhunnertsössten
jichtenswo in Frankriek verreckt is, so
as Hunnertdusend annere ok. Dat Original
is ingelsch. Oswald Andrae hett
dat plattdüütsch överdragen.
Helmut Debus hett dat ok sungen („As
een Stroom“).
72
Verwunnert hett mi de Song „All
Recht“. Dat klingt na „O Haupt voll
Blut und Wunden“, ward an’t Enn ok
en richtigen Choral. Liekers, de Wöer
sünd von Gerd Brandt – un de is inspireert
(seggt he) von Paul Simon sien
„An American Tune“. Bi Laway heet
dat:
„Wo kann ik di denn eenfach helpen,
waarum hörst du mi denn nich to?
Waarum lettst du di noit wat seggen,
büst all Daag blot noch so.
(Refr.) Man is all Recht, is all Recht,
du kannst fast up mi vertrau’n.
Wenn du denkst, dat du alleen blot
büst,
bi mi finnst alltied Rüst,
bi mi finnst alltied Rüst.
Dat klingt för mi, as weer dat en Anter
op Paul Simon: „ And I don’t know a
soul who’s not been battered / I don’t
have a friend who feels at ease /I don’t
know a dream that’s not been shattered
/ or driven to its knees /but it’s all
right, it’s all right ...”
Wer is dat “Ik” in den Song von Laway?
Is dat en Vadder, de sienen verbiesterten
Söhn trösten will? Is dat de Herrgott?
Dor kummst du reinweg in’t Gruveln.
Twüschendör gifft dat schöne Musikstücke
ohne Wöer.
Denn unvermodens : „Wem ham’se die
Krone geklaut? / Dem Wilhelm, dem
Doofen, dem Oberganoven … Wer hat
ihm die Krone geklaut? / Der Ebert, der
Helle, der Sattlergeselle.“ En Gassenhauer
ut de Novemberrevolution von
1918 in’n Walzerrhythmus. Un denn
noch en Couplet von de Wolf-Bröer „De
Wuschelkopp“.
In de Tiet passt ok „Nehm’n Se’n Alten“,
en Couplet von Otto Reutter, de
22472Quickborn4-09-1.Korr. 72
15.12.2009, 10:07 Uhr