', in ''Festschrift

Denn jeder der am Hester wahnt,
hatte drei Dach döfür verplahnt.
600 Jahre St. Sebastianus Schützenbruderschaft 1402 vom Heister zu Schönstein e. V.
Met der Schuppkarr, orrer en Wahn,
wur en de Hecke dann jefahrn.
Birgelcher die wurn jehorlt un wie jesaht,
zweschen de Fahnen noch jesatt.
De Frauen un Kenner han Blomem jesucht,
die wurn für dern Blomendebbich jebrucht.
Kom wor et am Fronleichnam Morjen hell,
sen werrer Allemann ze Stell.
Die Blomen wurn dann recht un schlecht,
zo nem Deppich objelächt.
Dat geng dan von Hous ze Hous,
un dat soch ganz prächtich ous.
Die Prozessijon langsam weirer geht,
dohin wo et Kapellchen steht.
He es dann de irschde halt,
en Aldor es Drousen objestallt.
Do gifdet den Säjen, wenn all Löi stohn,
dann döt mer langsam weirer gohn.
En de Anlagen et jetzt weirer geht,
wo de nächste Aldor dann steht.
Un en den Anlagen dann,
es en Mess für Allemann.
Nom letzten Säjen kann mer sehn,
marschiern de Schünster werrer Heem.
En Kommando laut erschallt,
jetzt dat ganze halt.
Stilljestanden gillt für Jeden,
Fahnenträjer vorjetreten.
Un dann hürt mer den Berni sahn,
alle Achtung für de Fahn.
De Musik spillt su es et Sitte,
Fahnenträjer em strammen Schritte.
No Bochens renn, kann Jeder sehn,
do es de Fahn jo doch Deheem.
Jeder greit dann noch bescheed,
wie et Nommedachs weirer geht.
Wenn et halwe Vier dann senn,
fengt sech alles werrer en.
Zom Vogelscheeßen fröh jenoch,
wierd marschierd bes en den Broch.
Bänke un Deche parrat schon stohn,
och vill Löi do met hin gohn.
Bi schünem Werrer schwer jedränge,
dann senn Löi do jede Menge,
alles zeut dann en den Broch.
Ze Drenken gifft et och jenoch.
Me setzt binanner un verzillt,
un dobie de Mussik spillt.
Lange Zeit es schon verflossen,
et wird emmer noch jeschossen,
Ehnen nom Annern kann mer sehn,
geht su langsam dann Noheem.
Mer hürt emmer noch scheßen un knallen.
Doch der Vochel wull net rongerfallen.
Dann hörlt mer mol en anner Jewähr,
met Kalieber extra schwer.
Der Vogel schon am zerrern bangen,
et lachen es derm schon vergangen.
Der nächste Schuß geht em an det Lerwen,
un er hätt schon offjegärwen.
De Majestät dann zu späten Stunde,
schmeist als erschdes mol en Runde.
Wer von dern Schötzen noch loofen kann,
brängen ihren Könich dann,
met Mussik un gruß trara,
zur Residenz datt es doch klar.
De Mussik spillt en Ständchen dann,
derm neuen Könich dern me hann.
Un mer kann dann sehn,
dern Rest, der geht jetz och Noheem.
132
Et Schötzenfest an sech.
De Schötzenkönich muß sech möhn,
et gift Allerhand für dern ze döhn.
Fröcht bi Freunden un Bekannten,
bi Nobern un Verwandten,
döhn üwwerlähn un berohn,
wer met an den Hof wull gohn.
Hinn un Her wird dann jelofen,
watt hammer noch, watt muß mer kofen.
Un datt Jeder wees bescheed,
gohn em kurzen orrer langen Kleed.
Es et rut, oder es et grön.
Also off, mer muß sech möhn.
Nobern, Freunde un de Pänz,
schmücken dann de Residenz.
Mahn sech jede möh jewess !
Wie datt erwen möchlich es.
Fahnen un Birkelcher wern jesatt,
von Diesem un Jenem wird jeschwatt.
De Könich sull ganz huch Lerwen,
hät en Kasten Bier jegärwen.
Jetzt knallt et Laut, watt sull dat heesen,
ihr Löi hürt,dat es det Böllerscheßen.
Dat es derwegen ganz jewess,
weil doch Schötzenfest heut es.
Johanneskreuze senn jebongen,
es en Ordnung goht jelungen.
Dat es alte Tradition, ous Urellern bongen die
schon.
Un do drüwwer wird jesaat,
die hätten en jelübte jemacht.
Seit derm es kehn Johr vergangen,
datt en Kreuz wird offjehangen.
Üwwer de Housdür datt wer Recht,
wird datt Kreuz dann anjebrächt.
Un datt Jeder sehen kann,
datt mir datt net Vergäßen hann.