Full integrated annual report - African Bank - Investoreports

Izincwadi zababambiqhaza
Matseno
Ponelopele ya African Bank Investments Limited (ABIL) ke go dira
phapano ye e kgahlišago maphelong a batho. Se se re hlohleletšago
ke go thuša batho bao ba bego ba sa dumelelwe go hwetša sekoloto
nakong ya pele gore ba be le maswanedi a go hwetša sekoloto. Re
thekga kganyogo ya batho ka tlhago go atlega le go botega ga bona
ga makgonthe go lefa seo ba se kolotago. Nepo ya rena ke go abelana
ka tsela ya go kaonafatša maphelo a bona le go phegelela go oketša
boleng go badirelwa ba rena. Re dumela gore go bohlokwa go dira se.
Mo dikgweding tše lesomepedi tše di fetilego go bile le kaonafalo ye e
bonalago kudu ka moo dikgwebo tša rena di šomilego ka gona. Batho
bao ba tsošološitšwego go akaretša setlamo ka bophara ba beile šedi
mo kabong ya ditirelo go badirelwa ka mafolofolo a a mpshafaditšwego.
Mehuta ya ditšweletšwa le ditirelo tše mpsha tše di amanago le tšona di
hlatsetše gore ge re fana ka ditirelo tše di nago le maatlakgogedi le tša
moswananoši, ebile re na le tlhohleletšo mabapi le seo re swanetšego
go se rekiša, ga re ipiletše fela thwii go bao ba holegago ka ditirelo,
eupša re dira le gore kgwebo ya rena e be ye bohlokwa go badirelwa
ba baswa gammogo le bao ba lego gona ba ba šomišago ditšweletšwa
tše dingwe.
Kaonafatšo ya matlotlo a setlamo ngwageng wo o fedilego ka 30 Setemere
2011 e hlohleleditšwe gagologolo ke go abja ga mehuta ye e fapanego
ya ditšweletšwa tše mpsha le phihlelelo ye e okeditšwego ka ditsela tše
mpsha tše fapanego. Kaonafatšo ye e okeditšwe gape ka go hlangwa
ga boleng magareng ga African Bank le EHL, gagologolo ka tlhatlogo ye
kgolo go tshepedišo ya rena ye e amanago le kabo ya dikoloto.
Dithekišo di hlatlogile ka 50% mo ngwageng le badirelwa ba baswa
ba oketšega go fi hla go 612 000. Dipoelo tša setlamo tše e bilego
tabakgolo di hlatlogile ka 24% go fi hla go dimilione tše R2 339, go swana
le dipoelo tše e bilego tabakgolo go ya ka šere go ya go disente tše
291,0. Tekatekano ya bengdišere ba ka mehla ya magareng e hlatlogile
go fi hla go dibilione tše R12,7, gomme poelo ya setlamo go tekatekano
e kaonafetše go tloga go 15,6% go fi hla go 18,4%.
Re dumela gore bašomi bao ba nago le phišego le tlhohleletšo ba
ka tšweletša kgolo ka lebelo ka kgwebong ye e fetago seemo sa tša
kgwebišago se boima le phegišano ye maatla. Ngwageng wa 2011,
maemo a godimo a boitlamo, mafolofolo le boitlhagišetšo go tšwa go
bašomi ba rena di phethile ka kgolo ye maatla go sa kgathalege go
tekateka go go tšwelago pele ga ekonomi.
Tshedimošo ya maleba e ka hwetšwa ka go Tekolo ya matlotlo
letlakaleng la 49 – 67
Ka mo lengwalong le
Matseno
Go bega ga mohlakanelwa
Dintlha tše bohlokwa
Diphetogo go boto
Dikaonafatšo
Kamego ya tša leago
Ditebogo
Pogelo
Integrated report 2011 | African Bank Investments Limited 23