Full integrated annual report - African Bank - Investoreports

Izincwadi zababambiqhaza tšwetšwapele
Go bega ga mohlakanelwa le ditlwaetšo tša tšwetšopele ya ekonomi ye e matlafetšego
ABIL mo mengwageng ye mmalwa e thomišitše ka maitekelo a go aga ekonomi ye e matlafetšego le go fokotša
ditlamorago tše di sa kgahlišego tše re ka bago le tšona go bašomi ba rena, badirelwa, ditšhaba le tikologo.
Maitekelo a, le ge a oketša boleng, go fi hla gabjale ga se a akaretšwa ka go leanokakaretšo la setlamo. Mo
mathomong a ngwaga wa ditšhelete wa 2011, setlamo se thomišitše ka lereo la papetšo ya dintlha-tlhopho mo
makaleng gomme tše gabjale di hlatlošeditšwe go kgato yeo di ka tiišeletšwago ka go legato la yuniti ya kgwebo le
dintlha-tlhopho tša khamphani ka bophara. Gape di theile motheo go bea dinepo tša mengwaga ya ditšhelete ya
2012 le 2013, gomme tše di tla tsebišwa bakgathatema ge di e ba gona.
Ye nngwe ya maitekelo mo leetong le e bile go sepetšwa semmušo ga lenanethero la rena la tikologo. Go
thwetšwe bašomi ba tša tikologo bao ba ikgafi lego gwa ba gwa hlangwa le leanotshepetšo la phokotšo ya
kamego go tikologo. Lekga la mathomo, re kgathile tema ka go Protšeke ya Kutollo ya Khapone [Carbon
Disclosure Project], ra bega ka ga ditšhilafatšo tša rena tša lefaufau tša paka ye e fedilego ka Setemere 2010,
ye e re thušitšego go ba le kwešišo ya motheo wa moo ditšhilafatšo tše kgolo di tšwago gona, le gore ke
mafelo afe ao a swanetšego go bewa šedi le magato a maleba ao a tla tšewago.
Re tšere magato a rena a mathomo mo leetong le la Go bega ga mohlakanelwa. Re letile go bega ka
kgatelopele ye e bonalago ngwageng wa ditšhelete wo o latelago.
Dintlha tše bohlokwa
Gore go beakantšwe ditshepedišo tša rena go nyalelana kudu le King III gammogo le dinyakwa tša
bakgathatema ba rena, re katološitše lenanethero la rena le beakantšwego ka tshwanelo go fi hlelela seemo
se tlemanego kudu sa dikeleletšo tša ekonomi, leago, tikologo le taolo ka moo dikgwebo tša rena tša go
fapafapana di šomago ka gona. Go hwetša tumelelano ye e akaretšago go dintlha tše di lego bohlokwa go
katlego ya rena ye e tšwelago pele le bakgathatema ba rena ke karolo ya leeto le.
Dintlha tše bohlokwa tše di kgethilwego di tšweletšwa lenaneong ka fase:
Go botegela mmotlolo wa rena wa tša kgwebo
Go oketša palo ya batho ba rena
Go ba le kamego ye e kgahlišago maphelong a badirelwa ba rena ka tsela ya kabo ya sekoloto
Go boloka motheo wo o tiilego go ya ka thušo ya ditšhelete le matlotlo
Go ba le seabe go kgolo ye e matlafetšego le kaonafatšo ya naga ya rena
Go fana ka boleng ka tsela ya ditshepedišo tše matlafetšego le tša maikarabelo, tše di hlametšwego go
netefatša katlego ye e tšwelago pele ya kgwebo le bakgathatema ba yona mo nakong ya paka ye telele.
Temogo ya tikologo le maikarabelo.
Dintlha tše le dihlogo tše di sepelelanago le tšona di ahlaahlwa ka pegong ye ka botlalo le go fi wa šedi ye
kgolo ka go tekolo ya leano.
Tshedimošo ya maleba e ka hwetšwa ka go Tekolo ye e beakantšwego mo letlakaleng la 36 – 48 gomme
mananeo a dintlha tše bohlokwa a hwetšwa matlakaleng a 32 go fi hla go 35.
Re kwešiša gore go ba gona ga kgwebo ya rena go ithekgile godimo ga bokgoni bja rena bja go tšwela pele
go fana ka boleng e sego go badirelwa ba rena fela, eupša go bakgathatema ka moka, le gore kgolo ye e
matlafetšego e ka fi hlelelwa fela ka go bea šedi ye kgolo go lefase leo re šomelago go lona. Re tšwela pele go
phegelela go fana ka boleng bjo ka tsela ye e kwešišagalago le ya maikarabelo.
Diphetogo go boto ya ABIL
ABIL e tšwela pele go phegelela go kaonafatša ditshepedišo tša yona tša taolo ye tlemanego le gona bjalo ka
karolo ya nepo ye, e na le pholisi ya go laetša paka ya boleloko bja balaodi ba yona bao e sego balaodiphethiši.
Go ya ka pholisi, nako ya go swara maemo a bodulasetulo e beetšwe tekano ye e sa fetego mengwaga ye
lesome mola maloko a mangwe ao e sego balaodiphethiši e le tekano ya mengwaga ye seswai ka kakaretšo.
Integrated report 2011 | African Bank Investments Limited 25