Final EIAR - Aurecon AME Environmental | Environmental Projects

etroubaarheid van hierdie energiebron. Die blaaie is gewoonlik liggrys en kan 20 – 60 m lank wees. Die
buisvormige staaltorings is 60 – 120 m hoog. Die blaaie roteer teen 10 – 22 6 – 15 omwentelings per
minuut. Die ratkas word gewoonlik gebruik om die spoed van die kragopwekker te verhoog. Sommige
modelle werk teen ʼn konstante spoed, maar meer krag kan opgewek word deur turbines met ʼn
veranderlike spoed. Alle turbines word toegerus met beskermende eienskappe om skade tydens hoë
windspoedtoestande te voorkom – dit beskik naamlik oor die vermoë om die blaaie na die wind toe te
draai en dus die rotasie daarvan te staak, en ʼn gepaardgaande remstelsel.
Windturbines met horisontale asse se hoof-rotoras en kragopwekker is in ʼn gondel aan die bokant van
die toring geleë. Konvensionele windturbines met horisontale asse kan in die volgende drie komponente
verdeel word.
• Die rotor-komponent, wat die blaaie insluit wat windenergie na lae-spoed roterende energie
omskakel.
• Die opwekkingskomponent, wat die kragopwekker en beheer-elektronika insluit, en waarskynlik
ook ʼn ratkaskomponent vir die omskakeling van lae-spoed inkomende rotasie na ʼn hoëspoed
rotasie wat geskik is vir die opwekking van elektrisiteit.
• Die strukturele ondersteuningskomponent, wat die toring en die rotor-slingermeganisme (wat die
rotor in dieselfde rigting as die wind draai) insluit.
Die finale ontwerp vir die fondasie van die turbines hang af van verdere geotegniese ondersoek, maar die
fondasies vir hierdie beoogde projek sal waarskynlik uit bewapende beton bestaan. Die fondasie sal
ongeveer 20 m x 20 m, en gemiddeld 3 m diep wees. Die fondasie sal in situ gegooi word en opgevul
word met bogrond sodat die plantegroei rondom die staaltoring (ongeveer 6 m in omtrek) weer kan
teruggroei. ʼn Waterdigte oppervlakte (20 m x 40 m) vir ʼn hyskraan sal rondom elke turbine gebou word.
Grond toegangspaaie van 6 – 10 m sal ook benodig word tussen turbines.
Rooster konneksie infrastruktuur (Wind):
Die beoogde windprojek kan by wyse van die twee satelliet-substasies (elk 100 x 100 m in grootte) met
die elektrisiteitsnetwerk verbind word. Die satelliet-substasies sal seksies van die aanlegte met die
beoogde hoof-substasie by die Kangnas windenergie-aanleg verbind, wat op sy beurt weer aansluit by
die dubbelbaan oorhoofse kraglyn. Die satelliet-substasies sal beskik oor ʼn medium (22 – 66 kV) tot hoë
(132 – 400 kV) transformasievermoë, met die gepaardgaande infrastruktuur soos Eskom-verlangde
skakeltuie, telekommunikasie, stoorplek, kontrolekamer, toegangspad, geleistamme, oorhoofse
kraanstellasies, omheining en ander generiese infrastruktuur. ʼn Enkelspoor-grondpad sal dien as
toegangspad vir onderhoudswerk aan die substasie. Die twee satelliet-substasies kan energie voorsien
aan die hoof-substasie via oorhoofse kraglyne.
Die stroomspanning by die beoogde hoof Kangnas substasie sal verhoog word en by wyse van die
bestaande 220 kV Eskom (of toekomstige 132 – 400 kV) kraglyn wat oor die noordelike deel van die
terrein loop, weggevoer word. ‘n Nuwe dubbelstroom 132 – 400 kV kraglyn van ongeveer 18 km lank sal
opgerig word om die hoof substasie te konnekteer aan die bestaande Eskom rooster wat die eiendom
kruis. Daar word verwag dat die nuwe oorhoofse kraglyn sal verbind d.m.v. ‘n lus aan die Eskom rooster
wat sal vereis dat die bestaande kraglyn twee afsonderlike draaie maak in die nuwe dubbelstroom
kraglynne. Alternatiewelik kan Eskom verkies dat ‘n verbindingstasie opgerig word naby die bestaande
Eskom kraglyn. Die hoof-substasie sal beskik oor ʼn medium (22 – 66 kV) tot hoë (132 – 400 kV)
transformasievermoë, met die gepaardgaande infrastruktuur soos Eskom-verlangde skakeltuie,
telekommunikasie, stoorplek, kontrolekamer, toegangspad, geleistamme, oorhoofse kraanstellasies,
omheining en ander generiese infrastruktuur. ʼn Enkelspoor-grondpad sal dien as toegangspad vir
onderhoudswerk aan die substasie. Die totale oppervlakte van die hoof-substasie sal na verwagting nie
groter as 200 x 200 m, oftewel 4 ha, wees nie.
FV Component
FV-stelsels skakel sonlig om na energie. Die kleinste eenheid van ʼn FV-aanleg word ʼn sonkrag-sel
genoem. ʼn Aantal sonkrag-selle wat elektronies met mekaar verbind en op ʼn ondersteunende struktuur
of raam gemonteer is, word ʼn FV-eenheid (module) genoem. ʼn Aantal selle vorm ʼn eenheid en ʼn aantal
eenhede vorm ʼn reeks (wat in Engels as ʼn “array” bekend staan). Eenhede word in afdelings gerangskik
2