Santam Se perSoonlike poliS WerkSopDraG

66
GEVALLESTUDIE
AFDELINGS
ALGEMEEN EN HUISINHOUD
MODULE INLEIDING
Mnr. X nader jou om sy huisinhoud te verseker. Hy beskik tans oor dekking vir die inhoud by ’n ander
versekeraar. Aangesien dit die eerste keer is dat hy versekering by Santam uitneem, wil hy eers meer weet oor die
onderskrywingsmaatreëls van die Santam se persoonlike polis.
Daar gaan ook van jou verwag word om ’n inspeksie/oorsig van die huis te doen, die nodige aantekeninge te maak oor jou
waarneming en dit te lys op ’n bylae wat aan jou voorsien gaan word.
Laastens sal daar van jou verwag word om die aansoekvorm te voltooi na aanleiding van die gegewens tot jou beskikking.
Die blootstelling wat jy kry as jy deur hierdie gevallestudie werk, sal aan jou die nodige kennis en selfvertroue gee vir
wanneer jy in die toekoms soortgelyke versoeke ontvang.
MODULE DOELWIT
Die doel van hierdie module is om jou kennis oor die volgende aspekte ten opsigte van Afdelings Algemeen en Huisinhoud
van die Santam se persoonlike polis te evalueer:
•
•
•
•
Die beantwoording van algemene onderskrywingsvrae ten opsigte van die Santam se persoonlike polis;
Risiko-evaluasie met nodige aanbevelings;
Die beantwoording van algemene vrae ten opsigte van die risiko’s/versekerde items; en
Die voltooiing van die aansoekvorm ten opsigte van Afdelings Algemeen en Huisinhoud van die Santam se
persoonlike polis.
Kopiereg ©Santam Bpk. 2009 Kursuskode: ASSESS – SPP2