Laai boek af : PDF

• Matthéüs 13:41
41 “die Seun van die mens sal sy engele uitstuur, en hulle sal uit sy
koninkryk bymekaarmaak al die struikelblokke en die wat die
ongeregtigheid doen,”
• Matthéüs 26:53
53 “Of dink jy dat Ek nie nou my Vader kan bid en Hy vir My meer as
twaalf legioene van engele beskikbaar sal stel nie?”
Hierdie is genoeg Skrifgedeeltes alhoewel daar nog meer is om te bewys
dat die Here Jesus aan die bestaan van engele geglo het.
2.2 Die Leringe van die Apostels
Nou kom ons kyk na wat die lering van die apostels, van Paulus en die
ander apostels daaromtrent was.
a. Die Apostel Paulus
• 2 Thessalonicense 1:7
7 “en aan julle wat verdruk word, verligting te gee saam met ons in
die openbaring van die Here Jesus uit die hemel met sy magtige
engele.”
So, Paulus praat van die engele en dat wanneer die Here Jesus kom, sal
Hy kom saam met sy magtige engele. Kom ons sien wat Paulus skrywe
aan die Kolossense in Kol 2:18.
• Kolossense 2:18
18 “Laat niemand julle van jul prys beroof nie, al sou hy behae hê in
nederigheid en verering van die engele......”
Dit was juis een van die hoof beweegredes van hierdie Sendbrief aan die
Kolossense om hierdie valse lering van die aanbidding van engele te
verbied en ons sal sien soos ons verder gaan en wanneer u die Bybel lees
en daarop let, is daar ‘n hele paar gevalle in die Bybel, wat toe die engele
verskyn het aan die mense, toe het Daniël byvoorbeeld en Johannes op die
eiland van Patmos, voor die engel geval om hom te aanbid en dat die engel
toe gesê het, moet dit nie doen nie! Die engel het dit nie toegelaat nie.
Hulle mag nie aanbid word nie! Daarom ook vir u en my, ons wat in hierdie
eindtyd lewe - vriende soos ek vir u ook al baie in Bybelstudies gesê het -
ons lewe in ‘n geweldige tyd, ons gaan groot dinge sien! En dit staan voor
die deur en in dit gaan daar baie engele wesenlik weer hulle verskyning
16