Laai boek af : PDF

U kan dit nou al klaar baie duideliker verstaan. U sal nog meer daarvan
sien in fyner besonderhede as ons nou voortgaan.
14. Die Slang van Génesis 3
Toe God vir Adam en Eva geskape het was die duiwel alreeds ‘n gevalle
engel en die teëstander van God. Dít is van die uiterste belang! Hy sou ook
die mense moordenaar en die vader van alle leuens word. As die gevalle
engele wat hom in sy opstand teen God gevolg het, ‘n saad op aarde kon
nalaat toe hulle by die dogters van die mens ingegaan en die vir hulle
kinders gebaar het, waarom nie Satan self ook nie? Was Satan dan nie die
hoof gevalle engel nie? As sy gevalle engele wat hom gevolg het - ons het
dit nou breedvoerig vir u gewys - by die dogters van die mens ingegaan het
en die vir hulle kinders gebaar het nie, kon Satan dan nie dieselfde doen
nie?
Die beeldspraak van die slang daar in die Tuin van Eden was maar net om
‘n belangrike feit en waarheid uit te bring.
• Openbaring 12:9; 20:1-2
Wanneer Openbaring 12:9 en Openbaring 20:1-2 na die draak verwys as
die ‘ou slang’ wat die duiwel en Satan is (Satan beteken teëstander) dan is
dit duidelik dat dit niemand anders as die duiwel self was wat die eerste
mens Adam versoek het nie en nie ‘n slang nie. Net soos die beeldspraak
van ‘draak’ moes dien om die wreedheid en skrikwekkendheid van die
sielevyand uit te beeld, so moes die ‘slang’ sy bedrieglikheid, aanloklikheid
en verleidelikheid tipeer.
9 “En die groot draak is neergewerp, die ou slang wat genoem word
duiwel en Satan, wat die hele wêreld verlei, hy is neergewerp op
die aarde, en sy engele is saam met hom neergewerp.”
1 “EN ek het ‘n engel uit die hemel sien neerdaal, met die sleutel van
die afgrond en ‘n groot ketting in sy hand.
2 En hy het die draak gegryp - die ou slang wat die duiwel en die
Satan is - en hy het hom gebind duisend jaar lank,”
Die geskiedenis van die wêreld sal in breë trekke eindig soos dit begin het
en dit moet u in gedagte hou.
• Génesis 3:1;
1 “MAAR die slang was listiger as al die diere van die veld wat die
HERE God gemaak het. En hy sê vir die vrou: Is dit ook so dat God
gesê het: Julle mag nie eet van al die bome van die tuin nie?”
87