Laai boek af : PDF

• Deuteronómium 3:11
Og, die koning van Basan, word vir ons hier beskryf. Maar luister net na die
gegewens. Sy bed se lengte was omtrent dertien en ‘n half voet en die
breedte ses voet. Wat ‘n geweldige groot man was hy nie. Geen wonder
nie dat die verspieders wat deur Moses op bevel van God uitgestuur was
om die land te gaan verken, hulleself morsdood geskrik het toe hulle die
reuse gesien het.
11 “Want Og, die koning van Basan, het net alleen oorgebly van die
Refaïete. Is sy ledekant, ‘n ysterledekant,” (Dit moes seker ‘n
ysterledekant gewees het anders, sou dit van hout wees, sou dit
hom nooit kon dra nie. Is dit nie mooi dat die Bybel so in
besonderhede ingaan nie?) “nie daar in Rabba van die kinders van
Ammon nie? Nege el is sy lengte en vier el sy breedte, gewone
elle.”
Nou ek het vir u verduidelik verlede keer dat ‘n el is agtien duim. Dit is die
lengte van ‘n gemiddelde man van sy elmboog tot by die punt van sy
vingers. 18 Duim word dit gereken in gewone elle. Wat sê dit? Nou ja, nege
el, dit is nege voet en nog die helfte daarvan, dit is dertien en ‘n half voet
en die breedte van sy bed in die lengte en vier el sy breedte. Nou ja dit is
vier voet, vier maal een is vier en nog die helfte daarvan is ses voet, was sy
bed breed. Vir een man het hy hom vol gelê.
Die Bybel is nie geskrywe om nou maar sommer net beuselagtige
dingetjies vir ons te sê nie. Daarom het ek al so baie in hierdie Bybel
studies vir u gesê, ons moet nie die Bybel lees asof dit nou maar sommer
‘n klomp los onsamehangende verhaaltjies en feite en punte is nie. Die
Bybel is die Boodskap van God vir die mens en Hy is geskrywe onder
inspirasie van die Heilige Gees. Dit is nie ‘n gewone boek nie daarom al
hierdie dinge, as ons hulle bymekaar bring, dan maak dit vir ons ‘n
geheelbeeld uit en vertel dit vir ons die volle verhaal. As hy op die gewone
manier vertel moes gewees het, sou jy ‘n hele biblioteek van boeke nodig
gehad het om vir jou elke ding tot in die fynste besonderhede te ontrafel en
uit te pluis. As u hierdie patroon vir uself het dan kan u van hier af die Bybel
vir uself lees, natuurlik onder die leiding van die Heilige Gees waarsonder
jy dit nie kan lees nie en jy dit nooit sal verstaan nie. Dan sal die HERE vir
uself nog baie meer dinge openbaar.
• Númeri 13:33
Ons het dit al op ‘n vorige keer gelees, maar ons lees dit net weer in hierdie
verband sodat u kan sien die verspieders het na Kanaän toe gegaan, hulle
moes die land gaan verspied vir Joshua sodat hulle berig kon bring en kon
81